پاکستان تحریک انصاف ( پی ٹی آئی ) خیبرپختونخوا کے ترجمان شوکت یوسفزئی کا کہنا ہے کہ توقع ہے کہ نگراں کابینہ غیر جانبدار اور غیرسیاسی ہوگی نگراں کابینہ میں سیاسی جماعت کے ورکرکو شامل نہیں کرنا چاہئے ۔ خیبرپختونخوا کے ترجمان نے کہا کہ صرف اپوزیشن کے نامزد لوگوں کو ہی شامل کرنا افسوسناک ہےغیرجانبداری کے لئے پاکستان تحریک انصاف نے کوئی نام نہیں دیا ہے ، نگراں وزیراعلیٰ کو متفقہ طور پر نامزد کیا گیا تھا ۔ انہوں نے کہا کہ نگراں کابینہ اپوزیشن لیڈرنے گورنرہاؤس میں بیٹھ کر تشکیل دی ہے ، نگراں وزیراعلی نے کس کےکہنے پر گورنر ہاؤس میں مشاورت کی ہے ۔ شوکت یوسفزئی نے مزید کہا کہ نگراں کابینہ میں سب سے بڑی سیاسی جماعت کو نظر انداز کرنا مفاد میں نہیں ہے ، کابینہ کی تشکیل میں پاکستان تحریک انصاف سےمشاورت نہ کرنا افسوسناک ہے ۔