اقوام متحدہ کے سربراہ انتونیو گوٹیرس نے کہا ہے کہ فلسطینی اپنی تاریخ کے "تاریک ترین بابوں میں سے ایک" برداشت کر رہے ہیں۔ فلسطینی عوام کے ساتھ یکجہتی کے عالمی دن سے پہلے ایک بیان میں اقوام متحدہ کے سربراہ انتونیو گوٹیریس نے طویل مدتی جنگ بندی اور حماس کے زیر حراست تمام اسیروں کی رہائی کے اپنے مطالبے کا اعادہ کیا۔ 7 اکتوبر کے حملے کی مذمت کرتے ہوئے، انتونیو گوٹیرس نے کہا کہ یہ فلسطینی عوام کی اجتماعی سزا کا جواز نہیں بن سکتا۔ انہوں نے "زندگی بچانے والی امداد کے لیے غیر محدود رسائی، تمام یرغمالیوں کی رہائی، شہریوں کے تحفظ اور بین الاقوامی انسانی قانون کی خلاف ورزیوں کے خاتمے" کا بھی مطالبہ کیا۔