‘ نئے آرمی چیف کی تقرری کافیصلہ وزیراعظم کریں گے ’

وزیرخارجہ بلاول بھٹو زرداری کا کہنا ہے کہ نئے آرمی چیف کی تقرری کا فیصلہ وزیراعظم کریں گے۔ تفصیلات کے مطابق وزیرخارجہ بلاول بھٹو زرداری نے کہا ہے کہ پاک فوج کے نئے آرمی چیف کی تقرری کا فیصلہ وزیراعظم ہی کریں گے۔واشنگٹن میں فارن پالیسی میگزین کے ایڈیٹر انچیف کو انٹرویومیں کہا کہ پاکستان کے تمام ادارے خودمختار ہیں،جمہوریت جیسی بھی ہو، آمریت سےبہتر ہے۔ ایک سوال پربلاول بھٹو نے کہا کہ بھارت نے سیلاب متاثرین کے لئےامداد کی پیشکش نہیں کی،ہم بھی انڈیا سے مدد نہیں چاہتے۔ انہوں نے کہا کہ افغان جنگ سے تمام ہمسایہ ممالک متاثر ہوئے، پرامن افغانستان چاہتے ہیں، چین نے ہمیشہ مشکل وقت میں پاکستان کی مدد کی، امریکہ کے ساتھ تعلقات کو نئی سمت میں لے جانا چاہتے ہیں۔