پبلک نیوز: پاکستان کرکٹ بورڈ نے کورونا ایس او پیز میں نرمی اور شائقین کرکٹ کو اسٹیڈیم میں میچ دیکھنے کی اجازت دینے سے متعلق وفاقی حکومت سے ایک بار پھر رابطہ کرلیا۔
ذرائع کے مطابق وفاقی حکومت یکم فروری کو شائقین کی اسٹیڈیم آمد سے متعلق فیصلے سے آگاہ کرے گی، پی سی بی نے این سی او سی سے 50 فیصد شائقین کو میچ دیکھنے کی اجازت مانگی تھی۔
این سی او سی کوڈ کی صورتحال کو دیکھتے ہوئے فیصلہ کرے گا، پاکستان کرکٹ بورڈ شائقین کی اجازت ملنے کے لیے پرامید ہیں، اجازت ملنے کی صورت میں پی سی بی پی ایس ایل کی تشہیری مہم کا آغاز کرے گا، پاکستان سپر لیگ 20 فروری سے کراچی میں شروع ہوگی۔
پاکستان کرکٹ بورڈ پہلے سے ہی ٹکٹنگ سروس کی بڈ کے لیے اشتہار جاری کرچکا ہے۔