پبلک نیوز: سعودی عرب میں چالیس فیصد آبادی کو کورونا وائرس ویکسینیشن کی پہلی خوراک دی جا چکی ہے۔ سعودی عرب بھر میں ویکسینیشن سینٹر قائم کیے گئے ہیں۔
سعودی وزارت صحت کے مطابق سعودی شہریوں سمیت تمام غیر ملکیوں کو مفت کورونا وائرس ویکسین لگائی جا رہی ہے۔ کورونا وائرس پر قابو پانے کے لئے ویکسین بہترین علاج ہے۔
دوسری جانب پاکستان میں نیشنل کمانڈ و آپریشن سنٹر کی جانب سے جاری ہونے والے کورونا کے تازہ ترین اعداد و شمار کے مطابق 24 گھنٹوں میں ملک میں کورونا سے 56 مریض جابحق ہو گئے۔