کراچی: شمسی سوسائٹی میں بیوی اور تین بچیوں کے قتل کا معاملہ ، ملزم فواد نے انویسٹرز کے نام اور تفصیلات پولیس کو فراہم کردیں ہیں۔ پولیس کے مطابق ملزم نے سات انیوسٹرز کے نام بتائے ہیں، ملزم فوڈ انڈسٹری میں انویسٹرز کے پیسوں سے ٹریڈنگ کررہا تھا، گذشتہ پانچ سے چھ ماہ سے ملزم منافع نہیں دے پارہا تھا، انویسٹرز منافع اور اصل رقم کی واپسی کے لئے ملزم کے گھر کے چکر لگارہے تھے، ساتوں انویسٹرز کے فون اور بینک اکاؤنٹس کی چھان بین کی جائے گی اور ملزم کی فراہم کردہ تفصیلات کی تحقیقات شروع کردی ہیں. دوسری جانب کراچی ملیر شمسی سوسائٹی میں قتل ہونے والی ماں اور تین بیٹیوں کی نماز جنازہ کی ادائیگی کی تیاریاں مکمل کر لی گئی ہیں ، چاروں میتیں شاہ فیصل کالونی عظیم پورہ قبرستان سے متصل جامع مسجد اولیاء منتقل کردی گئیں ہیں اور نماز عصر کی ادائیگی کے بعد نماز جنازہ ادا کی جائے گی۔ نماز جنازہ میں شرکت کے لئے لواحقین، اہل محلہ اور دیگر افراد کی آمد کا سلسلہ جاری ہے ۔