اسلام آباد: یکم نومبر سے اداروں کو تمام غیرقانونی غیرملکیوں کو گرفتار، نظربند اور بےدخل کرنے کا اختیار دے دیا گیا ہے۔ تفصیلات کے مطابق وفاقی حکومت نے غیرقانونی غیرملکیوں کی واپسی کے منصوبے پر عملدرآمد کی تیاری شروع کردی ہیں۔ انتظامیہ، پولیس، پراسیکیوشن، جیل حکام کو غیرقانونی غیرملکیوں کے خلاف کاروائی کا اختیار دے دیا گیا۔ وزارت داخلہ نے فارنرزایکٹ 1946ء کی سیکشن 3 کے تحت تمام اداروں کو کاروائی کا حکم دے دیا ہے۔ یکم نومبر سے اداروں کو تمام غیرقانونی غیرملکیوں کو گرفتار، نظربند اور بےدخل کرنے کا اختیار دے دیا گیا۔ اس حوالے سے وزارت داخلہ کا کہنا ہے کہ ویزہ ختم ہونے کے بعد زائد قیام کرنے والے غیرملکیوں کے خلاف بھی کاروائی ہوگی، تمام قانون نافذ کرنے والے اداروں کو غیرقانونی غیرملکیوں کے خلاف کاروائی کا اختیار ہوگا۔