لاہور (پبلک نیوز) الیکشن کمیشن کی جانب سے وزیراعلیٰ پنجاب عثمان بزدار کو اثاثوں میں تضاد پر نوٹس بھیج دیا گیا۔ ذرائع کا کہنا ہے کہ الیکشن کمیشن نے وزیراعلی عثمان بزدارکو وراثت میں ملنے والے اثاثوں پر تضاد پر نوٹس بھیجا تھا۔ ایف بی آر ریٹرنز اور الیکشن کمیشن ریٹرنز میں بھی تضاد آ رہا تھا۔ نوٹس سالانہ ظاہرکیے جانے والے اثاثوں کے گوشوارے میں مبینہ تضاد پربھیجا گیا تھا۔ ذرائع کے مطابق وزیراعلی پنجاب عثمان بزدار کی طرف سے الیکشن کمیشن کے بھیجے گئے نوٹس کا جواب جمع کرا دیا گیا۔ وزیراعلی پنجاب عثمان بزدار نے الیکشن کمیشن میں مطلوبہ دستاویزات جمع کرا دیں۔