پاکپتن ( پبلک نیوز) خون سفید ہو گیا۔ بیٹے نے ماں کو طلاق یافتہ ظاہر کرکے جائیداد کا حصہ اپنے نام لگوا لیا۔
تفصیلات کے مطابق ملزم نے بوڑھی ماں کو گھر سے نکال دیا،بھوک سے ستائی خاتون دربدر کی ٹھوکریں کھانے لگی۔ خاتون نے الزام عائد کیا ہے کہ شوہر نے طلاق نہیں دی تھی،پٹواری اور ریونیو عملے کی ملی بھگت سے ردوبدل کی گئی۔
دکھیاری ماں نے دہائی دی ہے کہ کھیت میں مزدوری کرکے مشکل سے روٹی پوری کر رہی ہوں۔ معمر خاتون نے مطالبہ کیا ہے کہ حکومت نوٹس لے کر انصاف فراہم کرے۔