اسلام آباد: پاکستان تحریک انصاف ( پی ٹی آئی ) کے رہنما فواد چوہدری کی میڈیکل رپورٹ پولیس کو موصول ہوگئی ہے ۔ پولیس کا کہنا ہے کہ سابق رکن اسمبلی فواد چوہدری کی میڈیکل رپورٹ میں یہ بات سامنے آئی ہے کہ گرفتاری کے وقت فواد چوہدری نشے کی حالت میں تھے ۔ پولیس نے فواد چوہدری کی میڈیکل رپورٹ آنے کے بعد مزید کارروائی کرتے ہوئے مقدمہ بھی درج کرلیا ہے ۔ خیال رہے کہ فواد چوہدری کے خلاف سیکرٹری الیکشن کمیشن کی مدعیت میں اسلام آباد کے تھانہ کوہسار میں مقدمہ درج کیا گیا تھا ، ان پر الیکشن کمیشن کے حکام کو دھمکیاں دینے کا الزام ہے ۔ بعد میں عدالت نے 1 فروری کو فواد چوہدری کی ضمانت منظور کی تھی ۔