میانوالی ( پبلک نیوز) دریائے سندھ میں نہاتے ہوئے تین طالب علم ڈوب گئے۔ مقامی افراد نے دو طالب علموں کو بچا لیا۔
تفصیلات کے مطابق تین نوجوان طالب علم اس وقت ڈوب گئے جب وہ لاری اڈا کے قریب دریائے سندھ میں گرمی سے بچنے اور کھلے پانی کا لطف لینے کی غرض سے نہا رہے تھے۔ طلبہ کے ڈوبنے وہاں قریب موجود مقامی افراد نے دو طالب علموں کو بچا لیا جبکہ تیسرے طالب علم ثاقب کی تلاش جاری ہے۔
مقامی افراد کا کہنا ہے کہ تینوں طالب علم کالج سے چھٹی ہونے پر دریائے سندھ میں نہانے کے لیے گئے تھے۔ دریا سندھ پر نہانا ان کو مہنگا پڑ گیا۔