میڈیا رپورٹس کے مطابق جے آئی ٹی پر دباو ڈالا جا رہا ہے، عمران خان

میڈیا رپورٹس کے مطابق جے آئی ٹی پر دباو ڈالا جا رہا ہے، عمران خان
لاہور: چیئرمین پاکستان تحریک انصاف (پی ٹی آئی ) اور سابق وزیر اعظم عمران خان نے کہا ہے کہ میڈیا رپورٹس کے مطابق جے آئی ٹی پر دباو ڈالا جا رہا ہے۔ سماجی رابطے کی ویب سائٹ ٹوئٹر پر ایک بیان میں چیئرمین پی ٹی آئی عمران خان نے کہا ہے کہ میڈیا رپورٹس کے مطابق میرے خلاف قتل کی سازش کی تحقیقات کرنے والی مشترکہ تحقیقاتی ٹیم کے اراکین پر دباو ڈالا جا رہا ہے، یہ دباؤ جے آئی ٹی کے نتائج سے فاصلہ اختیار کرنے کے لئے ہے۔ عمران خان نے کہا اس سے میرے اس یقین پر مہرِ تصدیق ثبت ہوتی ہے کہ مجھ پر قاتلانہ حملے کے پیچھے طاقتور حلقے ہی کارفرما تھے۔ واضح رہے کہ 3 نومبر کو گوجرانوالہ میں لانگ مارچ کے دوران چیئرمین پی ٹی آئی عمران خان کے کنٹینر پر فائرنگ کا واقعہ پیش آیا تھا جس کے نتیجے میں ایک شخص جاں بحق جب کہ عمران خان اور فیصل جاوید سمیت 13 افراد زخمی ہوئے تھے۔
شیئر کریں:

احمد علی

ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔

مزید خبریں

پاکستان