قمبر: جوڈیشل مجسٹریٹ قمبر نے پی ٹی آئی رہنما اور سینیٹر اعظم خان سواتی کا 3 روزہ جسمانی ریمانڈ منظور کر لیا۔ پاکستان تحریک انصاف ( پی ٹی آئی ) کےسینیٹراعظم سواتی کو قمبرمیں جوڈیشل مجسٹریٹ کی عدالت میں پیش کیا گیا، پولیس کی جانب سے اعظم سواتی کے جسمانی ریمانڈ کی استدعا کی گئی، جوڈیشل مجسٹریٹ قمبر نے اعظم سواتی کا 3 روزہ جسمانی ریمانڈ منظور کر لیا۔ خیال رہے کہ سینیٹر اعظم سواتی کو گزشتہ روز کوئٹہ سے تحویل میں لیکر سکھر منتقل کیا گیا تھا۔ خیال رہے کہ 3 روز قبل بلوچستان ہائیکورٹ نے اعظم سواتی کے خلاف صوبے بھر میں درج مقدمات ختم کرنے کا حکم دیا تھا تاہم اسی دن سندھ پولیس نے اعظم سواتی کو اپنی تحویل میں لے لیا تھا۔