ویب ڈیسک: رمضان شوگر ملز ریفرنس میں احتساب عدالت نے حمزہ شہباز کی ایک پیشی کیلئے استثنیٰ کی درخواست منظور کرلی ہے۔
تفصیلات کے مطابق احتساب عدالت لاہور میں وزیراعظم شہباز شریف اور حمزہ شہباز کیخلاف رمضان شوگر ملز ریفرنس پر سماعت ہوئی۔ عدالت نے حمزہ شہباز کی ایک پیشی کیلئے استنثی کی درخواست منظور کر لی۔
حمزہ شہباز کی طرف سے اُن کے وکلا نے ایک پیشی کیلئے استنثی کی درخواست دائر کی تھی۔ آئندہ سماعت پر حمزہ شہباز کی پیشی سے مستقل استثنی کی درخواست پر دلائل دیئے جائیں گے۔
سماعت کے دوران وزیراعظم شہباز شریف کی جگہ اُن کے نمائندے انوار حسین پیش ہوئے۔ عدالت نے ریفرنس پر کارروائی 19 اپریل تک ملتوی کر دی۔