(ویب ڈیسک ) آئی ایس پی آر کے مطابق ارشد ندیم کے اعزاز میں جی ایچ کیو میں تقریب ہوئی،جس میں آرمی چیف جنرل سید عاصم منیر نے ارشد ندیم نے تاریخی کارنامے کو سراہا۔
پاک فوج کے شعبہ تعلقات عامہ ( آئی ایس پی آر) کی جانب سے جاری بیان کے مطابق تقریب میں 1984 کے اولمپکس کے کھلاڑیوں کی خصوصی شرکت کی ، جہانگیرخان، اصلاح الدین ، شہباز سنیر ، سہیل عباس، محمد آصف ، اعصام الحق شریک تھے۔ اس کے علاوہ قومی ہاکی ٹیم ، اسٹریٹ فٹ بال ، خواتین کھلاڑیوں نے بھی شرکت کی ۔
ترجمان پاک فوج نے کہا کہ آرمی چیف نے سنگلز مقابلوں میں طلائی تمغہ جیتنے پر ارشد ندیم کو مبارکباد دی ، انہوں نے محنت اور عزم کی اہمیت پر زور دیتے ہوئے ارشد کے عاجزانہ آغاز سے عظمت کے حصول تک کے متاثر کن سفر پر روشنی ڈالی۔
ڈی جی آئی ایس پی آر کے مطابق آرمی چیف نے ارشد ندیم کے کارنامے کو قومی فخرقرار دیا اور اس بات کو اجاگر کیا کہ پوری قوم نے انہیں ان کے کارنامے کے عین مطابق اعزاز دیا ہے۔
آرمی چیف نے خوشحال پاکستان کے لیے بہترین کارکردگی کے حصول کے لیے نہ صرف کھلاڑیوں بلکہ پاکستانی نوجوانوں کی حمایت اور بااختیار بنانے کے عزم کا اعادہ کیا۔
آرمی چیف نے نوجوانوں کی مصروفیت، ترقی اور تفریح کی ضرورت کو ایک صحت مند اور خوشحال معاشرے کے اہم کارڈینز کے طور پر اجاگر کیا۔
پاک فوج کے ترجمان نے کہا کہ ارشد ندیم نے شکریہ ادا کیا اور پاکستانی نوجوانوں کی بے پناہ صلاحیتوں پر زور دیا، انہوں نے چیلنجوں پر قابو پانے اور کامیابی حاصل کرنے میں محنت، مثبتیت اور ثابت قدمی کی اہمیت پر زور دیا۔