شوبز کی مشہور شخصیت خلیل الرحمان قمر کی سیاست میں انٹری

شوبز کی مشہور شخصیت خلیل الرحمان قمر کی سیاست میں انٹری
کیپشن: Showbiz celebrity Khalilur Rehman Qamar's entry into politics

ویب ڈیسک: ملک میں جاری سیاسی گرما گرمی میں جہاں مشہور شخصیات بھی تبصرہ کرنے سے پیچھے نہیں، وہیں خلیل الرحمان قمر نے آئندہ الیکشن میں پی ٹی آئی کے ٹکٹ پر انتخابات لڑنے کا اعلان کر دیا۔

پاکستان کے معروف فلم اور ڈرامہ رائٹر خلیل الرحمان قمر کی جانب سے یہ اعلان اپنے ایکس اکاؤنٹ پر اپلوڈ کی گئی پوسٹ میں کیا گیا، جس میں ان کا کہنا تھا کہ انشاء اللہ اگلی بار میں الیکشن لڑوں گا۔

اس پوسٹ پر صارفین کی جانب سے بھی تجسس پایا جا رہا تھا، ایسے میں ایک صارف نے پوچھ ہی لیا سر پی ٹی آئی کی سیٹ سے نا؟

جس پر ردعمل دیتے ہوئے خلیل الرحمان قمر کا کہنا تھا کہ ظاہر سی بات ہے۔

اگلے ہی پوسٹ میں مشہور لکھاری کی جانب سے صارفین کا شکریہ ادا کرتے ہوئے کہنا تھا کہ اگلی بار الیکشن لڑنے کے فیصلے پر آپ سب نے جتنا پیار دیا ہے، میں اُس پیار کے صدقے۔

ملک میں جاری سیاسی صورتحال پر خلیل الرحمان قمر بھی اپنا موقف سوشل میڈیا پر شئیر کرتے دکھائی دیتے ہیں، اپنے ایک پوسٹ میں ان کا کہنا تھا کہ فرقہ بندی، برادری ازم، مہنگے انگلش اسکول، اور سیاسی جماعتوں کی باہمی نفرت۔

یہ ہے میرے ملک کی ترقی کے سامنے سیسہ پلائی دیوار کی طرح کھڑی رکاوٹیں۔

شیئر کریں:

مزید خبریں

پاکستان