بابر اعظم کو سابق کپتان کہنے پر ماورا حسین کا ردعمل

بابر اعظم کو سابق کپتان کہنے پر ماورا حسین کا ردعمل
پاکستان شوبز انڈسٹری کی خوبرو اداکارہ ماورا حسین پشاور زلمی کے کپتان بابراعظم کی حمایت میں بیان دے دیا ۔ تفصیلات کے مطابق مائیکرو بلاگنگ سائٹ ٹوئٹر پر ٹوئٹ کرتے ہوئے پاکستان کی معروف اداکارہ ماورا حسین نے لکھا ہے کہ ’زیادہ تر میڈیا کی طرح ایک صحافی پھر سے نامناسب رویہ اختیار کر رہا ہے ۔ ان کا مزید کہانا تھا کہ ٹیم کو اکیلا چھوڑ دیں وہ آپ کے خیال سے زیادہ متحد ہیں اور اس کرکٹر (بابراعظم ) کا احترام کرنا سیکھیں کہ جس کے سامنے دنیا جھک رہی ہے! ماشاءاللہ‘۔ واضح رہے کہ ماورا کا یہ ٹوئٹ حالیہ پریس کانفرنس کے جواب میں تھا جس میں بابر اعظم کو ٹیم کے ’سابق‘ کپتان کے طور پر حوالہ دیا گیا تھا۔ خیال رہے کہ گذشتہ روز اسلام آباد یونائیٹڈ کے کپتان شاداب خان نے پی ایس ایل 8 میں میچ کے بعد ہونے والی کانفرنس میں پشاور زلمی اور پاکستان کے کپتان بابراعظم کو سابق کپتان کہنے پر صحافی کی تصحیح کرتے ہوئے اسے کہا تھا کہ وہ اب بھی ٹیم کے کپتان ہیں اور صرف ایک سیریز کے لئے آرام کر رہے ہیں ۔
شیئر کریں:

احمد علی

ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔

مزید خبریں

متعلقہ خبریں