ٹیم نیوزی لینڈ کا غصہ پرفارمنس پر نکالے: رمیز راجہ

ٹیم نیوزی لینڈ کا غصہ پرفارمنس پر نکالے: رمیز راجہ
پاکستان کرکٹ بورڈ ( پی سی بی) کے چیئرمین رمیز راجہ نے کہا ہے کہ اگر کرکٹ پر مشکلات ہیں تو اس سے جلد باہر نکلیں گے۔ ہم اپنی قوت سے پوری دنیا کو چیلنج کرتے ہیں۔ کرکٹ شائقین کے لیے ویڈیو پیغام جاری کرتے ہوئے ان کا کہنا تھا کہ جو تکلیف آپ کو ہوئی وہی تکلیف میں محسوس کررہا ہوں۔ سوچا کچھ تھا لیکن جو ہوا اس پر دکھ ہے۔ ماضی میں بھی ایسی صورتحال سے گزرے اور ہمیشہ آگے بڑھے۔ رمیز راجہ نے مزید کہا کہ ہمیں یقین ہے ڈومیسٹک لیول پر رہتے ہوئے ورلڈ کلاس ٹیم بناسکتے ہیں۔ تمام فینز کو کہتا ہوں کہ ورلڈکپ میں اپنی ٹیم کی حوصلہ افزائی کریں۔ ٹیم کو کہوں گا کہ جو غصہ ہے اس کو پرفارمنس پر نکالیں۔ چیئرمین پی بی سی کا کہنا تھا کہ جب ہم دنیا کی بہترین ٹیم بنیں گے تو کھیلنے والوں کی لائن لگ جائے گی۔ سمجھتا ہوں کہ پاکستان ہوم کرکٹ پر دباؤ آیا ہے۔ امید کرتا ہوں ہم ایک ہوکر ملکی کرکٹ کو اوپر لے کر جائیں گے۔

Watch Live Public News

ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔