اسلام آباد (پبلک نیوز) پاکستان کے صدر عارف علوی کی زیرِ صدارت جامعات میں منشیات کے استعمال کی روک تھام کے متعلق اجلاس ہوا جس میں وفاقی وزیرِتعلیم شفقت محمود، سیکرٹری وزارتِ انسدادِ منشیات کیپٹن (ر) اکبر حسین درانی، سیکرٹری انسانی حقوق اور 165 جامعات کے وائس چانسلرز کی بھی شریک ہوئے۔
صدر مملکت کا کہنا تھا کہ جامعات میں منشیات کے بڑھتے ہوئے پھیلاوکو روکنے کیلئے ٹھوس اقدامات کی ضرورت ہے۔ جامعات خصوصی طلباء کی سہولت کیلئے یونیورسٹی انفراسٹرکچر معذور دوست بنائیں۔ جامعات خصوصی طلباء کی ضروریات کا جائزہ لیں اور انکے حل کیلئے مناسب اقدامات اٹھائیں۔
میرے خیال میں منشیات کے استعمال کے تدارک اور تعلیمی اداروں میں نوجوان نسل کو نشے سے اپنی اور اپنے خاندان کی زندگیاں برباد کرنے سے بچانا ازحد ضروری ہے. https://t.co/oB8ps5dfIJ
— Dr. Arif Alvi (@ArifAlvi) April 22, 2021
ان کا کہنا تھا کہ وائس چانسلرز کی کمیٹی جامعات میں منشیات کا پھیلاو روکنے کیلئے آگہی مہم کی تیاری کرے۔