اسرائیل کا جنوبی غزہ میں ’اپنے سب سے بڑے اور تباہ کن بموں میں سے ایک‘ کا استعمال، رپورٹ

رپورٹ میں کہا گیا ہے کہ اسرائیل نے جنوبی غزہ میں ’اپنے سب سے بڑے اور تباہ کن بموں میں سے ایک‘ استعمال کیا ہے۔ نیو یارک ٹائمز کی تحقیقات سے پتہ چلتا ہے کہ غزہ میں جنگ کے پہلے چھ ہفتوں کے دوران، اسرائیل نے پٹی کے جنوب میں ان علاقوں میں "اپنے سب سے بڑے اور تباہ کن بموں میں سے ایک" استعمال کیا جسے فوج نے شہریوں کیلئے محفوظ بتایا تھا۔ رپورٹ میں کہا گیا ہے کہ نتائج سے پتہ چلتا ہے کہ 2,000 پاؤنڈ وزنی بم جنوبی غزہ میں حفاظت کے متلاشی شہریوں کے لیے ایک وسیع خطرہ تھے۔ اس میں مزید کہا گیا ہے کہ گولہ بارود کے ماہرین کے مطابق اس سائز کے بم "اب امریکی افواج نے گنجان آباد علاقوں میں تقریباً کبھی نہیں گرائے ہیں"۔ غیر ملکی اخبار نے ایک ترجمان کے مطابق رپورٹ کیا کہ جنوبی غزہ میں بموں کے استعمال کے بارے میں پوچھے جانے پر، اسرائیلی فوج نے بتایا کہ اسرائیل کی ترجیح حماس کو تباہ کرنا ہے اور "اس قسم کے سوالات کو بعد کے مرحلے میں دیکھا جائے گا۔"