آمدن سے زائد اثاثہ جات کیس،عدالت نے اسحاق ڈار کو بری کردیا

اسلام آباد: احتساب عدالت نے سابق وزیر خزانہ اسحاق ڈار کو آمدن سے زائد اثاثوں کے ریفرنس میں بری کر دیا۔ احتساب عدالت کے جج محمد بشیر نے سابق وزیر خزانہ اسحاق ڈار کے خلاف آمدن سے زائد اثاثہ جات سے متعلق ریفرنس کے کیس کا محفوظ فیصلہ سنا دیا۔ عدالت نے سابق وزیر خزانہ اسحاق ڈار کو آمدن سے زائد اثاثوں کے ریفرنس میں بری کر دیا۔ نیب پراسکیوٹر افضل قریشی نے عدالت میں تحریری جواب جمع کروادیا ،جس میں کہا گیا کہ اسحاق ڈار کےخلاف کرپشن کے کوئی ثبوت نہیں اس لیے کیس کو آگے نہیں چلانا چاہتے۔ نیب نے تحریری جواب میں کہا کہ اسحاق ڈار سمیت دیگر ملزمان کی بریت پر اعتراض نہیں، ہم نے میرٹ پر دلائل دیے ہیں، عدالت فیصلہ سنا دے۔