انٹر بینک میں ڈالر 18 روپے 98 پیسے کا بڑا اضافہ

کراچی: انٹر بینک میں ڈالر 285 روپے 9 پیسے کا ہوگیا، گذشتہ روز انٹربینک میں ڈالر 266روپے 11 پیسے پر بند ہوا تھا۔ کاروبار کے اختتام تک روپے کے مقابلے میں ڈالر کی اونچی اڑان جاری رہی، ڈالر مجموعی طور پر 18 روپے 98 پیسے مہنگا ہوکر 285 روپے 9 پیسے پر بند ہوا ہے۔

Interbank closing #ExchangeRate for todayhttps://t.co/V7Z9UmMJ6o pic.twitter.com/Joq88JGzAM

— SBP (@StateBank_Pak) March 2, 2023

خیال رہے کہ ڈالر روپے کو روندتے ہوئے ملک کی تاریخ کی بلند ترین سطح پر پہنچ گیا تھا ، امریکی کرنسی کی قیمت میں آج پھر کاروبار کے آغاز پر بڑا اضافہ ہوا تھا ۔کاروباری ہفتے کے چوتھے روز امریکی کرنسی کی قدر میں بڑا اضافہ ریکارڈ کیا گیا تھا ، انٹربینک میں 18 روپے 89 پیسے اضافے کے بعد ڈالر 285 روپے کی سطح پر ٹریڈ کر رہا تھا ۔انٹر بینک میں امریکی ڈالر کی قیمت بڑھنے سے قرضوں کے بوجھ میں 1800 ارب روپے سے زائد کا اضافہ ہوا ہے ۔

Interbank closing #ExchangeRate for todayhttps://t.co/yixJmUnrgF pic.twitter.com/PWg8EoDAgM

— SBP (@StateBank_Pak) March 1, 2023

دوسری جانب معاشی ماہرین ڈالر کی قیمت میں اضافے کو عالمی مالیاتی ادارے (آئی ایم ایف) کے ساتھ معاہدے میں تاخیر کی وجہ قرار دے رہے ہیں ۔ ٹاپ لائن سیکورٹیز کے چیف ایگزیکٹو محمد سہیل کا کہنا ہے کہ آئی ایم ایف سے فنڈنگ ملنے میں تاخیر کی وجہ سے کرنسی مارکیٹ میں غیر یقینی کی صورتحال جنم لے رہی ہے ۔ گذشتہ روز کرنسی ایکسچینج کمپنیز ایسوسی ایشن کے جنرل سیکرٹری ظفر پراچا نے بتایا کہ روپیہ اور معیشت دوبارہ دباؤ کا شکار ہے ، اس کی بنیادی وجہ آئی ایم ایف کے ساتھ مذاکرات کا تعطل اور معاہدے میں تاخیر ہونا اور نئی شرائط کا سامنے آنا ہے ۔ اس کی وجہ سے انٹربینک میں امریکی ڈالر کی قدر میں اضافہ ہوا ہے ۔ میٹس گلوبل کے ڈائریکٹر سعد بن نصیر کا کہنا ہے کہ فروری میں مارکیٹ میں سکون تھا اور روپے کی قدر میں 2.7 فیصد اضافہ ہوا تھا ، آئی ایم ایف کے ساتھ جلد معاہدہ ہونے کی توقع کی جا رہی تھی لیکن معاہدے میں تاخیر اور افغانستان کی اوپن مارکیٹ میں ڈالر کے 285 سے 290 روپے کے درمیان ہونے کی وجہ سے پاکستانی روپے کی قدر میں کمی ہوئی ہے ۔