عمران خان سب کو شکست دے گا، شیخ رشید

راولپنڈی عوامی مسلم لیگ کے سربراہ شیخ رشید احمد نے کہا ہے کہ سارا جہان عمران خان کے پیچھے پڑ گیا ہے ، وہ سب کو شکست دے گا۔ تفصیلات کے مطابق سماجی رابطے کی ویب سائٹ ٹوئٹر پر سربراہ عوامی مسلم لیگ اور سابق وفاقی وزیر داخلہ شیخ رشید احمد کہتے ہیں کہ سارا جہان ایک انسان عمران خان کے پیچھے پڑ گیا ہے، وہ سب کو شکست دے گا ، تعیناتی کے مسئلے میں نواز شریف اور شہبازشریف ایک پیج پر نہیں ہیں۔ انہوں نے کہا کہ اب پی ڈی ایم کا بوجھ کوئی نہیں اٹھا سکتا، بھکاریوں کو کوئی خیرات نہیں دے رہا، صرف تصویر کھنچوا رہے ہیں۔

سارا جہان ایک انسان عمران خان کےپیچھے پڑگیاہے۔وہ سب کو شکست دے گا۔تعیناتی کے مسئلے میں نواز شریف اور شہباز شریف ایک پیج پر نہیں ہیں۔ابPDMکا بوجھ کوئی نہیں اٹھا سکتا۔بھکاریوں کو کوئی خیرات نہیں دے رہا،صرف تصویر کھنچوا رہے ہیں۔حکومت روسی سینیٹر کے یوکرائن کی امداد کےالزام کاجواب دے

— Sheikh Rashid Ahmed (@ShkhRasheed) November 3, 2022

سابق وزیر داخلہ نے کہا کہ ساری دنیا جانتی ہے غیر مقبول سامراجی حمایت یافتہ سازشی حکومت چند ہفتوں کی مہمان ہے، بھکاریوں کو نہ امداد مل رہی ہے نہ حمایت مل رہی ہے، ڈنگ ٹپاؤ غریب مکاؤ حکومت زبردستی دنیا سے دوروں کے دعوت نامے منگوا رہی ہے۔

چین ہمالیہ سےبلند اورہرموسم کادوست ہے،اس لیےحالیہ چینی دورےپرتبصرہ نہیں کرناچاہتا۔ساری دنیا جانتی ہےغیرمقبول سامراجی حمایت یافتہ سازشی حکومت چندہفتوں کی مہمان ہے۔بھکاریوں کونہ امدادمل رہی ہے،نہ حمایت مل رہی ہے۔ڈنگ ٹپاؤ غریب مکاؤ حکومت زبردستی دنیا سےدوروں کےدعوت نامے منگوا رہی ہے

— Sheikh Rashid Ahmed (@ShkhRasheed) November 3, 2022

سربراہ عوامی مسلم لیگ کا کہنا تھا کہ چین ہمالیہ سے بلند اور ہر موسم کا دوست ہے، اس لئےحالیہ چینی دورے پرتبصرہ نہیں کرنا چاہتا، حکومت روسی سینیٹر کے یوکرائن کی امداد کے الزام کا جواب دے۔