وفاقی حکومت کی جانب سے نیب کی خودمختاری ختم کرنے کی سمری مسترد کردی گئی ہے۔ تفصیلات کے مطابق اس حوالے سے وزارت قانون نے نیب کو خط لکھ دیا ہے،جس میں چیئرمین نیب کی خودمختاری ختم کرنے کی تجویز بھی مسترد کردی گئی ہے ۔ وزارت قانون کی جانب سے لکھے گئے خط میں کہا گیا ہے کہ نیب کی ملازمت کو سول سرونٹس ڈکلیر نہیں کیا جاسکتا، تجویز منظور کرنے سے نیب خود مختار ادارہ نہیں رہے گا، تجویز منظور کرنے سے چیئرمین نیب کی خود مختاری بھی ختم ہوجائے گی۔ خیال رہے کہ قومی احتساب بیورو ( نیب) نے ملازمت کو سول سروس آکوپشنل گروپ ڈکلیر کرنے کی سمری بھیجی تھی۔