پی آئی اے کا عاشورہ  کے موقع پر نجف کیلئے خصوصی پروازوں کا آغاز

پی آئی اے کا عاشورہ  کے موقع پر نجف کیلئے خصوصی پروازوں کا آغاز

(ویب ڈیسک )  پاکستان انٹرنیشنل ایئر لائنز ( پی آئی اے) نے عاشورہ کے موقع پر شیعہ زائرین کی سہولت کے لیے نجف اور عراق کے لیے خصوصی پروازوں کا سلسلہ شروع کر دیا ہے۔

 سرکاری خبر ایجنسی  (اے پی پی ) نے  نجی ٹی وی کا حوالہ دیتے ہوئے کہا ہے کہ  آپریشن عاشورہ کے نام سے شروع ہونے والا آپریشن 5 جولائی کو شروع ہوا جس میں 7 اور 11 جولائی کو اضافی پروازیں چلائی جائیں گی۔

پی آئی اے کی خصوصی پروازیں نہ صرف شیعہ زائرین کو نجف لے جائیں گی بلکہ ان کی محفوظ واپسی کو بھی یقینی بنائیں گی۔ واپسی آپریشن 20 جولائی سے شروع ہوگا ۔

آپریشن عاشورہ” کو زائرین کے لیے بغیر کسی رکاوٹ کے سفر کا تجربہ فراہم کرنے کے لیے ڈیزائن کیا گیا ہے۔

Watch Live Public News