افتخار نے درخواست کی کہ برائے مہربانی اس قسم کی غلط اور جھوٹی خبریں پھیلانے سے گریز کریں، ساتھ ہی انہوں نے اپنے مداحوں سے اپیل کی کہ نفرت پھیلانے کے سبب اس اکاؤنٹ کو رپورٹ کیا جائے۔ مڈل آرڈر بیٹر نے ایکس اور اس کے مالک ایلون مسک کو بھی ٹیگ کیا اور درخواست کی کہ برائے مہربانی اس اکاؤنٹ پر پابندی لگائی جائے کیونکہ یہ اپنے تصدیق شدہ اکاؤنٹ، بلیو ٹک کا غلط استعمال کررہے ہیں۔ دوسری جانب نواز نامی اس اکاؤنٹ سے مذکورہ ٹوئٹ ڈیلیٹ کردی گئی ہے۔I’ve been made aware of this statement which I’ve never made. In fact, no professional cricketer will make such a statement. Please stop circulating false news & report this individual for spreading hate.@X @elonmusk please ban this account as people are misusing the blue tick. https://t.co/dmgDEfM9jp pic.twitter.com/fExqNRa9Zk
— Iftikhar Ahmad (@IftiMania) August 16, 2023
پاکستانی کرکٹ ٹیم کے مڈل آرڈر بیٹر افتخار احمد نے خود سے منسوب جھوٹا بیان پھیلانے والے ایکس اکاؤنٹ صارف پر غصے کا اظہار کیا ہے۔ مائیکروبلاگنگ ویب سائٹ ایکس پر نواز نامی صارف نے افتخار احمد کے نام سے منسوب ایک بیان جاری کیا جس میں لکھا تھا کہ 'جب بھی ہمارا بھارت کے خلاف میچ ہوتا ہے ، تو ہمیں ایسا محسوس ہوتا ہے جیسے ہم گلی کے بچوں کے ساتھ کھیل رہے ہیں'۔ افتخار احمد نے اس ٹوئٹ کا لنک اور اسکرین شاٹ شیئر کیا اور اپنے اس بیان کی مکمل تردید کی۔ قومی کرکٹر نے کہا 'مجھے اس بیان سے آگاہ کیا گیا ہے جو میں نے کبھی دیا ہی نہیں، درحقیقت کوئی بھی پیشہ ور کرکٹر ایسا بیان نہیں دے گا'۔