لاہور: ڈیزل کی قیمت میں بڑی کمی کے باعث انٹرسٹی ٹرانسپورٹ کے کرائے بھی کم ہو ں گے۔ وزیراعلی پنجاب محسن نقوی عام آدمی کو ریلیف دینے کیلئے ایکشن میں آگئے۔ وزیر اعلی محسن نقوی نے ڈیزل کی قیمت میں کمی کے تناسب سے انٹرسٹی ٹرانسپورٹ کے کرائے میں کمی کا ٹاسک دے دیا ، تمام ڈپٹی کمشنرز کو آج رات تک کرایوں میں کمی کی ڈیڈ لائن دے دی گئی۔ اس حوالے سے محسن نقوی نے کہا ہے کہ پٹرولیم مصنوعات کی قیمتوں میں کمی کا فائدہ براہ راست صوبے کے عوام کو منتقل کیا جائے۔ عام آدمی کو ریلیف دینے کیلئے انٹرسٹی ٹرانسپورٹ کے کرائے کم کرائے جائیں۔ انہوں نے آج رات تک کرائے کم نہ کرنے والے ٹرانسپورٹرز کے خلاف بلاامتیاز کارروائی کا حکم بھی دے دیا۔