اسلام آباد: ڈرگ ریگولیٹری اتھارٹی آف پاکستان (ڈریپ)کی جانب سے ادویات کی قیمتوں میں اضافے کا باقاعدہ نوٹیفکیشن جاری کردیا گیا۔ نوٹیفکیشن کے مطابق جان بچانے والی ادویات کی قیمتوں میں 14 فیصد اضافہ کیا گیا ہے جبکہ دیگر تمام ادویات کی قیمتوں میں بیس فیصد اضافہ کی اجازت دی گئی ہے۔ نوٹیفکیشن میں کہا گیا ہے کہ ڈریپ کا پالیسی بورڈ قیمتوں کے تعین کا تین مہینے بعد دوبارہ جائزہ لے گا۔ خیال رہے کہ ادویات میں اضافے کی منظوری وفاقی کابینہ کی اکنامک ایڈوائزری کمیٹی نے 14 اپریل کو دی تھی۔