اسلام آباد: پاکستان تحریک انصاف ( پی ٹی آئی ) کے 123 اراکین اسمبلی نے اسپیکر قومی اسمبلی کے سامنے پیش ہونے کا فیصلہ کیا ہے۔ ذرائع کا کہنا ہے کہ پاکستان تحریک انصاف کے قومی اسمبلی کے 123 ارکان نے جمعرات کو اسپیکر کے سامنے پیش ہونے کا فیصلہ کر لیا۔ ذرائع کے مطابق پی ٹی آئی ارکان اسمبلی 22 دسمبر کو خیبرپختونخوا ہاؤس اسلام آباد میں جمع ہوں گے، ارکان ممکنہ طور پر شاہ محمود قریشی کی سربراہی میں پارلیمنٹ آئیں گے، شاہ محمود قریشی ارکان کو لے کر اسپیکر کے سامنے پیش ہوں گے۔ ذرائع کا کہنا ہے کہ ارکان سپیکر قومی اسمبلی راجہ پرویز اشرف کے رو برو مستعفی ہونے کی تصدیق کریں گے۔ یاد رہے کہ اسپیکر قومی اسمبلی راجہ پرویز اشرف کہہ چکے ہیں کہ پی ٹی آئی ارکان کے استعفے اکٹھے منظور نہیں ہو سکتے۔