اسلام آباد: حکومت نے ایگزٹ کنٹرول لسٹ( ای سی ایل )کا غیر ضروری استعمال روکنے کا فیصلہ کرلیا۔کابینہ کمیٹی برائے ای سی ایل نے رولز میں ترمیم کی سفارش کر دی ۔ ذرائع کے مطابق نئے رولز کے تحت انتہائی ضروری ہونے پر ہی نام ای سی ایل میں شامل کیا جائے گا۔ ای سی ایل سے نام نکالنے کے کیسز نمٹانے کا وقت مقرر کرنے کی تجویز دی گئی ہے۔وقت مقرر کرنے کی تجویز کئی کئی سال سے زیر التواء درخواستوں کے باعث دی گئی۔ ذرائع وزارت قانون کا کہنا ہے کہ وفاقی کابینہ کی منظوری کے بعد رولز میں ترمیم کا نوٹیفیکشن جاری ہو گا۔