اداکار شان سابق فاسٹ بولر شعیب اختر سے ناراض

لاہور (ویب ڈیسک ) سابق وزیر اعظم عمران خان کے حمایتی معروف اداکار شان شاہد لیجنڈ‌ فاسٹ بولر شعیب اختر سے ناراض ہو گئے. دراصل گذشتہ روز شعیب اختر نے انڈین کرکٹر سچن ٹنڈولکر کو ٹوئٹر پر ان کو سالگرہ کی مبارکباد پیش کی اور ان کے لئے خصوصی پیغام بھی جاری کیا ۔ شعیب اختر نے اپنی ٹوئٹ میں سچن ٹنڈولکر کو سالگرہ کی مبارکباد دی اور کہا کہ امید ہے آپ کا دن بہت اچھا گزرے گا۔ ان کی اس ٹوئٹ پر اداکار شان نے اپنا ردعمل دیا اور اس بات کا شکوہ کیا کہ واہ بھائی! ان کی سالگرہ تو آپ کو یاد ہے لیکن گذشتہ برس 5 اکتوبر کو عمران خان کی سالگرہ، آپ کو یاد نہیں رہی۔

Happy Birthday @sachin_rt . Hope you're having a wonderful day. pic.twitter.com/uA8IRr8wyA

— Shoaib Akhtar (@shoaib100mph) April 24, 2022

اداکار شان شاہد نے لکھا کہ عمران خان کی سالگرہ پر، آپ کے ٹوئٹر اکاؤنٹ پر ان کے لیے کوئی پیغام سامنے نہیں آیا تھا۔ مگر اداکار شان کی اس تنقید پر تاحال شعیب اختر کا کوئی بیان سامنے نہیں آیا ہے ۔ اداکار کی ٹوئٹ پر مشہور میزبان و کامیڈین مصطفیٰ چوہدری نے جواب دیتے ہوئے کہا کہ 'بھائی،کیا یہ آئی سی سی کی کتاب میں لکھا ہے کہ خان صاحب کی سالگرہ پر مبارکباد دینا لازمی ہے ؟'

بھای،کیا یہ آی سی سی کی کتاب میں لکھا ہے کہ خان صاحب کی سالگرہ پر مبارکباد دینا لازمی ہے_????????

— Mustafa Chaudhary (@Mustafa_Chdry) April 24, 2022

جواب میں اداکارشان کا کہنا تھا کہ 'بھائی سچن کو دے رہے تھے، تو سوچا شاید خان صاحب بھی یاد ہوں، آپ بولر تو نہیں لیکن فیلڈنگ اچھی کررہے ہیں'۔