سابق وزیر داخلہ نے کہا کہ ایپکس کمیٹی کہہ رہی ہے کہ ملک داخلی عدم استحکام کا متحمل نہیں ہوسکتا لیکن یہ نہیں بتا رہی ہے کہ الیکشن کی تاریخ کس نے دینی ہے، فل بنچ کا مطالبہ کرتے ہیں لیکن دو ججز پر اعتراض بھی کرتےہیں ۔ سربراہ عوامی مسلم لیگ نے مزید کہا کہ چچا کے بچت کا دعویٰ بھتیجی کے 18 رکنی شاہانہ سکیورٹی سکواڈ پر لاگو نہیں ہے ، 13 پارٹیاں الیکشن اور معاشی سیاسی استحکام سے فراری ہیں ۔ایپکس کمیٹی کہہ رہی ہےملک داخلی عدم استحکام کامتحمل نہیں ہوسکتالیکن یہ نہیں بتارہی الیکشن کی تاریخ کس نےدینی ہے۔فل بینچ کامطالبہ کرتےہیں لیکن2ججزپراعتراض بھی کرتےہیں۔چچا کےبچت کا دعویٰ بھتیجی کے18رکنی شاہانہ سیکیورٹی سکواڈپرلاگونہیں13پارٹیاں الیکشن معاشی سیاسی استحکام سےفراری ہیں
— Sheikh Rashid Ahmed (@ShkhRasheed) February 25, 2023
راولپنڈی: سابق وزیر داخلہ اور سربراہ عوامی مسلم لیگ شیخ رشید احمد کا کہنا ہے کہ امید ہے آئندہ دس دنوں میں سپریم کورٹ بتا دے گی کہ الیکشن کی تاریخ کس نےدینی ہے اور خلاف ورزی پر کس نےجیل جانا ہے۔ تفصیلات کے مطابق سماجی رابطے کی ویب سائٹ ٹوئٹر پر شیخ رشید کا کہنا تھا کہ عدلیہ پر دباؤ ڈالا جا رہا ہے کہ وہ اپنی آئینی اور قانونی ذمہ داری ادا نہ کرے ، ساری قوم سپریم کورٹ کے ساتھ کھڑی ہے، وزیر داخلہ، دفاع اور مریم نواز عدلیہ کو تنقید کا نشانہ بنا رہے ہیں ۔