لاہور : محکمہ انسداد دہشت گردی ( سی ٹی ڈی) نے دہشت گردی کے خدشات کے پیش نظر کارروائی کرتے ہوئے پنجاب کے مختلف شہروں میں سے 12 دہشت گردوں کو گرفتار کرلیا ۔ سی ٹی ڈی حکام کا کہنا ہے کہ انٹیلی جنس بیسڈ کارروائی راولپنڈی ملتان، بہاولپور سرگودھا اور گوجرنوالہ میں کی گئی ہے ، گرفتار دہشت گردوں کا تعلق کالعدم داعش اور ٹی ٹی پی سے ہے ۔ سی ٹی ڈی حکام کے مطابق دہشت گردوں کی شناحت حبیب الرحمان، ہارون ، ضیاء، عمران، مدثر،میر احمد، عدیل اور فاروق کے نام سے ہوئی ہے ۔ سی ٹی ڈی حکام کا مزید کہنا ہے کہ دہشت گردوں کے قبضے سے ڈیٹو نیٹر، ہینڈگرنیڈ ، اسلحہ ، گولیاں ، بارودی مواد ، خودکش جیکٹ، اورنقدی برآمد ہوئی ہے ۔ سی ٹی ڈی حکام کے مطابق دہشت گردوں کے خلاف مقدمات درج کرکے تفتیش جاری ہے ، رواں ہفتے249 کومبنگ آپریشنز کے دوران 40 مشتبہ افراد گرفتارکیے گئے ہیں ۔ سی ٹی ڈی حکام کا کہنا ہے کہ ریاست دشمن عناصر کو کیفر کردار تک پہنچانے میں کوئی کسر نہیں چھوڑی جائے گی ۔