سابق وزیرِ خارجہ اور پاکستان پیپلز پارٹی کے چیئرمین بلاول بھٹو زرداری کا کہنا ہے کہ پیغمبرِ اسلام ﷺ نے معاشرے میں مساوات و انصاف قائم کرنا سکھایا ہے۔ عید میلاد النبی ﷺ کے موقع پر پیغام میں بلاول بھٹو زردار نے کہا کہ نبیٔ مہربان ﷺ کی تعلیمات کی پیروی کرنے سے زندگی بہتر بنائی جا سکتی ہے۔ سابق وزیرِ خارجہ کا یہ بھی کہنا ہے کہ حضرت محمد ﷺ کا پیغام انسانیت کے لیے ہمیشہ مشعلِ راہ رہے گا۔ خیال رہے کہ ملک بھر میں جشنِ عیدِ میلاد النبیﷺ آج مذہبی عقیدت و احترام کے ساتھ منایا جا رہا ہے۔