پاکستانی ویمن کرکٹ ٹیم نے پہلی بار نیوزی لینڈ کو ہرا کر تاریخ رقم کردی

پہلے ٹی ٹوئنٹی میں پاکستان ویمن ٹیم نے نیوزی لینڈ کو7 وکٹوں سے شکت دے کر تاریخ رقم کردی۔ پاکستان ویمنز ٹیم نے ڈونیڈن میں کھیلے گئے پہلے ٹی ٹوئنٹی میچ میں میزبان نیوزی لینڈ کو 7 وکٹوں سے ہرایا جو پاکستان ویمنز کی 9 ٹی ٹوئنٹی میچز میں میں نیوزی لینڈ کے خلاف پہلی کامیابی ہے۔

???? FIRST T20I WIN OVER NEW ZEALAND ????@aliya_riaz37 and @maroof_bismah's unbroken 39-run stand sees Pakistan claim a memorable victory! ????#NZWvPAKW | #BackOurGirls pic.twitter.com/4BSoqPKjIR

— Pakistan Cricket (@TheRealPCB) December 3, 2023

نیوزی لینڈ ویمنز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 6 وکٹوں پر127 رنزبنائے، پاکستان ویمنز نے 18.2 اوورز میں 3 وکٹوں کے نقصان پر ہدف حاصل کر لیا۔ پاکستان کی جانب سے اوپنرشوال ذوالفقار نے 41 رنز کی اہم اننگز کھیلی جبکہ فاطمہ ثنا نے 18 رنز دے کر 3 وکٹیں حاصل کیں۔ فاطمہ ثنا اپنی شاندار بولنگ کے سبب پلیئر آف دی میچ قرار پائیں۔ دوسرا ٹی ٹوئنٹی پانچ دسمبرکو کھیلاجائے گا۔