اسلام آباد(پبلک نیوز) وزیر اعظم عمران خان کا یوم کشمیر پر اپنے پیغام میں کہنا ہے کہ بھارت اقوام متحدہ قراردادوں کےمطابق مسئلہ کشمیرکےحل میں سنجیدہ ہے تو ہم امن کےلیے 2 قدم آگے بڑھائیں گے۔
وزیراعظم عمران خان کا یوم یکجہتی کشمیر پر ٹویٹ، وزیر اعظم کا کہنا ہے کہ پاکستان ہمیشہ کشمیریوں کے حق خودارادیت کی جدوجہد میں ان کے ساتھ رہے گا۔ ہم امن کےلیے دو قدم آگے بڑھنے کےلیے تیار ہیں اگر بھارت اقوام متحدہ کی قراردادوں کے مطابق مسئلہ کشمیر کوحل کرنے میں سنجیدہ ہے تو ہم امن کےلیے 2 قدم آگے بڑھائیں گے۔
وزیراعظم نے مزید کہا کہ امن اور استحکام کی ہماری خواہش کو کمزوری نہ سمجھا جائے، بھارت 7 دہائیوں سے کشمیریوں کے جذبہ آزادی کو دبانے میں ناکام رہا کشمیری نوجوان تحریک آزادی کو آگے بڑھائے ہوئے ہیں. پاکستان ہمیشہ کشمیریوں کے حق خودارادیت کی جدوجہد میں ان کے ساتھ رہے گا۔