لیڈر جیل کی گرمی برداشت نہ کر سکے، ورکر قائم ہے، شیخ رشید

اسلام آباد: سابق وزیر داخلہ اور سربراہ عوامی مسلم لیگ شیخ رشید کا کہنا تھا کہ لیڈر جیل کی گرمی برداشت نہیں کر سکے لیکن ورکر قائم ہیں اور گھبرایا بھی نہیں، پارٹیاں ورکروں سے ہی چلتی ہیں لیڈروں سے نہیں۔ تفصیلات کے مطابق سماجی رابطے کی ویب سائٹ ٹوئٹر پر سابق وزیر داخلہ شیخ رشید نے ایک بیان جاری کرتے ہوئے کہا ہے کہ ملک سیاسی، معاشی اور اقتصادی بحران میں داخل ہو گیا ہے، ترسیلات کم ،ایکسپورٹ کم، انڈسٹری بند، گروتھ منفی اور امریکی ڈالر نایاب ہوچکا ہے ، زمینی حقائق یہ ہیں۔

آئی ایم ایف نے10جون کےایجنڈےمیں پاکستان کونہیں رکھاIMFکےساتھ سعودی عرب اورUAEکی مالیاتی امدادبھی خطرےمیں ہےIMFکہتاہےپاکستان میں سیاسی استحکام کی ضرورت ہے9ہفتے کی حکومت کواندازہ ہےکہ عوام کے دلوں میں اُنکے لیے غم وغصہ اور نفرت ہےالیکشن میں ن لیگ کےساتھ ہاتھ نہیں ہتھوڑاہوگا

— Sheikh Rashid Ahmed (@ShkhRasheed) June 7, 2023

سربراہ عوامی مسلم لیگ کا کہنا تھا کہ انتظامیہ سپریم کورٹ کے اختیارات میں مداخلت اور ججوں کی تضحیک سوچے سمجھے منصوبے کے تحت کر رہی ہے، الیکشن میں ہی تمام مسائل کا حل ہے ۔ بے گناہوں سے جیلیں بھرنے میں نہیں، اگر الیکشن وقت پر نہ ہوئے تو حالات مزید سنگین اور گھمبیر ہوجائیں گے۔

ملک سیاسی معاشی اقتصادی شدید ترین بحران میں داخل ہوگیاہے ترسیلات کم ایکسپورٹ کم انڈسٹری بندگروتھ منفی ڈالر نایاب یہ ہیں زمینی حقائق انتظامیہ سپریم کورٹ کے اختیارات میں مداخلت اورججوں کی تضحیک سوچےسمجھےمنصوبےکےتحت کررہی ہےتمام مسائل کاحل الیکشن میں ہےبےگناہوں سےجیلیں بھرنےمیں نہیں

— Sheikh Rashid Ahmed (@ShkhRasheed) June 7, 2023

انہوں نے کہا کہ حکومت ریاست کو نہیں اپنی تباہ حال سیاست کو بچانا چاہتی ہے، روزانہ 41 ارب روپے کا قرضہ غریب کے گلے پڑ رہا ہے، آئین عمل کے لئے ہوتا ہے کیبنٹ میں رکھنے کیلئے نہیں ہوتا ، آئین کو تو موم کی ناک بنا دیا گیا ہے۔ شیخ رشید کا مزید کہنا تھا کہ قانون ہاتھ جوڑ کر کھڑا ہے، وزراء کے بیانات الیکشن ہونے نہ ہونے کے شکوک و شبہات پیدا کر رہے ہیں، 13 اگست اسمبلی توڑنے کی ریڈ لائن ہے ورنہ بحران سنگین ہوجائے گا، ترکیہ نے زلزلے ، معاشی تباہی کے باوجود بھی انتخابات کروائے ہیں جس سے اس کے حالات ٹھیک ہوگئے ہیں۔