لاہور: عالمی منڈی میں تیل کی قیمتیں مزید کم ہوگئی ہیں جس کے باعث پاکستان میں ریلیف کی توقع ہے۔ تفصیلات کے مطابق عالمی منڈی میں پٹرول کی قیمت میں 5.49 ڈالر فی بیرل کمی ہوئی ہے، عالمی منڈی میں پٹرول کی فی بیرل قیمت 94.95 ڈالر پر آگئی جبکہ ڈیزل کی قیمت 5.13 ڈالر کم ہو کر 100.05 ڈالر فی بیرل ہوگئی ہے۔ عالمی منڈی میں کمی کے بعد 16 دسمبر کو پاکستان میں پٹرولیم قیمتوں میں کمی کا امکان ہے۔ذرائع نے بتایا ہے کہ ملک میں پٹرول 13 روپے اور ڈیزل 15روپے فی لیٹر سستا ہونے کا امکان ہے۔ خیال رہے کہ حکومت پٹرولیم مصنوعات کی ممکنہ نئی قیمتوں سے متعلق حتمی فیصلہ 15 دسمبر کو کرے گی۔