وزیر خزانہ اسحاق ڈار نے اپنے پیغام میں مزید کہا ہے کہ سٹیٹ بینک آف پاکستان متحدہ عرب امارات کے حکام سے رابطے میں ہے، ایک ارب ڈالر جمع کرانے کیلئے دستاویز کو حتمی شکل دی جارہی ہے۔ واضح رہے کہ عالمی مالیاتی فنڈ (آئی ایم ایف ) نے پاکستان کیساتھ جلد سٹاف لیول معاہدے کی یقین دہانی کروا دی ہے ۔ پاکستان اور آئی ایم ایف کے درمیان گزشتہ روز ایک اوراہم ورچوئل اجلاس ہوا جس میں پاکستان کی قیادت وزیرخزانہ اسحاق ڈار نے کی جبکہ وزارت خزانہ، اقتصادی امورکے سیکرٹریز اور گورنر سٹیٹ بینک واشنگٹن سے اجلاس میں شریک ہوئے۔ دورانِ اجلاس وزیر خزانہ اسحاق ڈار اور ڈپٹی ایم ڈی آئی ایم ایف اینٹونیٹ منیسہ نے پاکستان کی معاشی صورتحال اوراصلاحات پر تبادلہ خیال کیا ہے اور پاکستان کی جانب سے آئی ایم ایف پروگرام کے پیشگی اہداف پر عملدرآمد کا جائزہ بھی لیا گیا۔ آئی ایم ایف کی ڈپٹی ایم ڈی نے پاکستان کے ساتھ مل کر کام کرنے کی خواہش کا اظہار کرتے ہوئے سٹاف لیول معاہدے پر جلد دستخط کا یقین بھی ظاہر کیا ہے ۔IMF program — 9th Review Update:
— Ishaq Dar (@MIshaqDar50) April 14, 2023
UAE authorities have confirmed to IMF for their bilateral support of US $ One billion to Pakistan.
State Bank of Pakistan is now engaged for needful documentation for taking the said deposit from UAE authorities.
AlhamdoLilah!
اسلام آباد: وزیر خزانہ اسحاق ڈار کا کہنا ہے کہ متحدہ عرب امارات نے آئی ایم ایف کو 1 ارب ڈالر امداد کی تصدیق کر دی ہے ۔ تفصیلات کے مطابق وزیر خزانہ اسحاق ڈار نے سماجی رابطوں کی ویب سائٹ ٹوئٹر پر لکھا ہے کہ متحدہ عرب امارات کی جانب سے 1 ارب ڈالر مالی امداد کی تصدیق کر دی گئی ہے ، اس سے متعلق یو اے ای حکام نے آئی ایم ایف کو بھی آگاہ کردیا ہے ۔