آصف علی زرداری اور شہباز شریف کی ڈونلڈ ٹرمپ پر حملے کی شدید مذمت

ویب ڈیسک: امریکا کے سابق صدر ڈونلڈ ٹرمپ کو قاتلانہ حملے میں زخمی کر دیا گیا ہے، اس سے پہلے بھی امریکا کے کئی صدور اور سابق صدور کو حملوں کا نشانہ بنایا جا چکا ہے، یہی نہیں اراکین کانگریس اور گورنرز بھی حملوں کا نشانہ بنے ہیں۔

امریکی میڈیا کے مطابق صدر اینڈریو جیکسن پر شوٹر نے اس وقت 2 گولیاں چلائی تھیں، جب وہ آخری رسومات میں شریک تھے، تاہم بندوق نہ چل پائی تھی۔

صدر تھیوڈور روزویلٹ 1912ء میں دوبارہ صدارت کے لیے انتخابی مہم میں تھے جب ملواکی شہر میں ان پر گولی چلائی گئی تھی۔

صدر فرینکلن روزویلٹ پر 1933ء میں قاتل نے میامی میں گولی چلا دی تھی، وہ بال بال بچ گئے تھے جبکہ شکاگو کے میئر انٹون سرمیک مارے گئے تھے۔صدر ہیری ٹرومین کو 1950ء میں وائٹ ہاؤس کے سامنے گولی ماری گئی تھی۔

سابق امریکی صدر جان ایف کینیڈی کو 22 نومبر 1963ء کو انتخابی مہم کے لیے گاڑیوں کے قافلے میں جاتے ہوئے فائرنگ کر کے قتل کر دیا گیا تھا۔

الباما کے گورنر جارج والیس صدراتی انتخاب کی مہم پر تھے جب 1972ء میں انہیں واشنگٹن ڈی سی میں گولی ماری گئی تھی، جس سے وہ مفلوج ہو گئے تھے جبکہ صدر جیرالڈ فورڈ پر 1975ء میں 2 قاتلانہ حملے کیے گئے تھے۔

صدر رونلڈ ریگن کو 1981ء میں واشنگٹن ڈی سی میں تقریر کے بعد ہوٹل کے باہر گولی ماری گئی تھی، واقعے میں ان کے پریس سیکریٹری شدید زخمی ہوئے تھے۔

سابق صدر براک اوباما پر 2011ء میں قاتلانہ حملہ کیا گیا تھا جب اڈاہو سے تعلق رکھنے والے شخص نے وائٹ ہاؤس پر فائرنگ کی تھی، یہی نہیں ابراہام لنکن، جیمز گارفیلڈ، ولیم مک کینلی اور جان ایف کینیڈی قاتلانہ حملے میں مارے گئے تھے۔

واضح رہے کہ امریکا کے ری پبلکن صدارتی امیدوار ڈونلڈ ٹرمپ انتخابی ریلی کے دوران فائرنگ سے زخمی ہوئے ہیں۔

ڈونلڈ ٹرمپ پنسلوینیا کے علاقے بٹلر میں منعقدہ ریلی کے شرکا سے خطاب کے لیے اسٹیج پر موجود تھے جب ان پر فائرنگ ہوئی، گولی بظاہر ٹرمپ کے کان کو چھوتی ہوئی نکل گئی۔

انتخابی ریلی کے دوران فائرنگ کرنے والا حملہ آور مارا گیا جبکہ ایک دوسرا شخص بھی ہلاک ہوا ہے۔

ویب ڈیسک:انتخابی ریلی کے دوران سابق امریکی صدر ڈونلڈ ٹرمپ پر ہونے والے قاتلانہ حملے پر صدر جوبائیڈن کا ردعمل سامنے آ گیا ہے۔

 تفصیلات کے مطابق قوم سے خطاب کرتے ہوئے امریکا کے صدر جوبائیڈن نے کہا ہے کہ ڈونلڈ ٹرمپ حملے میں محفوظ رہے یہ جان کر خوشی ہوئی، سیکریٹ سروس نے فوری کارروائی کر کے ڈونلڈ ٹرمپ کو محفوظ مقام پر منتقل کیا، قانون نافذ کرنے والے اداروں کی فوری کارروائی پر ان کا شکر گزار ہوں۔

یہ بھی پڑھیں: سابق امریکی صدرڈونلڈ ٹرمپ پرحملہ

جوبائیڈن نے مزید کہا ہے کہ جلد ڈونلڈ ٹرمپ سے بات کروں گا، فائرنگ کے واقعے کیخلاف ہمیں متحد ہونا چاہیے، اس طرح کے پرتشدد واقعات کی امریکا میں کوئی گنجائش نہیں، ہر شخص کو اس واقعے کی مذمت کرنی چاہیے، ایسے واقعے کی مذمت کیلئے بطور قوم متحد ہونا چاہیے۔

واضح رہے کہ دو روز قبل پریس کانفرنس میں صدر جوبائیڈن نے صدارتی الیکشن کی دوڑ سے دستبردار ہونے سے انکار کرتے ہوئے کہا تھا کہ صدارتی الیکشن لڑنے کا سب سے زیادہ اہل ہوں، ٹرمپ کو پہلے بھی ہرایا تھا اب بھی ہراؤں گا، ٹرمپ کا جیتنا دنیا کیلئے تباہی ہو گا۔

جوبائیڈن کا کہنا تھا کہ یورپ ٹرمپ کے بیانات سے پریشان ہے، خارجہ پالیسی کبھی ٹرمپ کا مضبوط نقطہ نہیں رہا، ٹرمپ آمرانہ لوگوں سے وابستگی رکھتے ہیں، صدارتی الیکشن کی دوڑ میں اپنی میراث کیلئے نہیں ہوں، یوکرین کی کامیابی یقینی بنانے کیلئے میرا جیتنا ضروری ہے۔

ویب ڈیسک:انتخابی ریلی میں قاتلانہ حملے کے بعد سابق امریکی صدر ڈونلڈ ٹرمپ کی جانب سے بیان جاری کر دیا گیا۔

 تفصیلات کے مطابق غیرملکی میڈیا رپورٹس میں کہا گیا ہے کہ فائرنگ سے زخمی ہونے والے ری پبلکن پارٹی کے صدارتی امیدوار اور سابق امریکی صدر ڈونلڈ ٹرمپ نے اپنے بیان کہا ہے کہ میں بالکل خیریت سے ہوں، میں کسی سے ڈرنے والا نہیں اور سب کا ڈٹ کر مقابلہ کروں گا۔

یہ بھی پڑھیں: ڈونلڈ ٹرمپ پر فائرنگ کی ویڈیو منظرعام پر آگئی

سوشل میڈیا پلیٹ فارم پر بیان جاری کرتے ہوئے سابق صدر ڈونلڈ ٹرمپ نے کہا ہے کہ گولی میرے دائیں کان کے اوپری حصے میں لگی، سیکرٹ سروس کے ایجنٹوں کا شکرگزار ہوں جنہوں نے میری حفاظت کی، فائرنگ میں ہلاک اور زخمی ہونے والے ریلی کے شرکاء سے تعزیت کا اظہار کرتا ہوں، شوٹر اب مر چکا ہے اس کے بارے میں اس وقت کچھ معلوم نہیں۔

یہ بھی پڑھیں: ٹرمپ سےپہلےامریکاکےکن صدوراورسابق صدورپرحملےہوئے؟

ڈونلڈ ٹرمپ نے اپنے بیان میں مزید کہا ہے کہ مجھے ایک گولی ماری گئی تھی جو میرے دائیں کان کے اوپری حصے میں لگی، میں نے فوراً جان لیا کہ کچھ گڑبڑ ہے، میں نے سرسراہٹ کی آواز سنی اور پھر گولیاں چلیں، فوراً ہی ایک گولی تیزی سے جاتی ہوئی محسوس ہوئی، کان سے بہت زیادہ خون بہنے لگا تو میں سمجھ گیا کہ کیا ہو رہا ہے، خدا امریکا پر رحم کرے۔

ویب ڈیسک: سابق امریکی صدر اور ری پبلکن پارٹی کے صدارتی امیدوار ڈونلڈ ٹرمپ انتخابی ریلی میں فائرنگ سے زخمی ہوگئے جبکہ ایک شخص ہلاک ہوگیا ہے۔

 تفصیلا ت کے مطابق غیرملکی میڈیا رپورٹس میں کہا گیا ہے کہ سابق امریکی صدر ڈونلڈ ٹرمپ پر فائرنگ کا واقعہ امریکا کی ریاست پنسلوانیا میں پیش آیا جہاں وہ انتخابی ریلی کے شرکاء سے خطاب کیلئے سٹیج پر موجود تھے کہ اس دوران نامعلوم افراد نے ان پر فائرنگ کر دی جس کے نتیجے میں وہ زخمی ہو گئے جبکہ حملہ آور کو ہلاک کرنے کا دعویٰ بھی کیا جا رہا ہے۔

امریکی میڈیا کے مطابق ری پبلکن پارٹی کے امیدوار ڈونلڈ ٹرمپ کے کان پر خون کے نشانات دیکھے گئے ہیں، فائرنگ کے بعد سکیورٹی اہلکاروں نے سابق صدر کو حصار میں لے لیا اور وہاں سے لے کر روانہ ہو گئے، گولیاں لگنے سے ریلی میں موجود ایک شخص ہلاک ہو گیا، واقعے کے بعد وہاں موجود لوگوں میں خوف و حراس پھیل گیا۔

یہ بھی پڑھیں: ٹرمپ پر حملہ،ایف بی آئی نے بڑابیان دیدیا

واقعے کے حوالے سے امریکی سیکرٹ سروس کا کہنا ہے کہ ریلی میں فائرنگ کے بعد ڈونلڈ ٹرمپ محفوظ ہیں، سابق صدر کو محفوظ مقام پر منتقل کر دیا گیا، ریلی میں پیش آئے واقعے کی تحقیقات شروع کر دیں، فائرنگ کرنے والے کا ابھی تک کچھ علم نہیں ہو سکا جیسے ہی معلومات حاصل ہوں گی عوام کو آگاہ کر دیا جائے گا۔

فائرنگ سے زخمی ہونے والے ری پبلکن پارٹی کے صدارتی امیدوار اور سابق امریکی صدر ڈونلڈ ٹرمپ نے بیان جاری کرتے ہوئے کہا ہے کہ میں بالکل خیریت سے ہوں، میں کسی سے ڈرنے والا نہیں ہوں اور سب کا ڈٹ کر مقابلہ کروں گا۔

سابق امریکی صدر ٹرمپ پر فائرنگ کے واقعے سے لاعلمی کا اظہار کرتے ہوئے صدر جوبائیڈن نے کہا ہے کہ ڈونلڈ ٹرمپ کی ریلی میں فائرنگ کے واقعے پر بریفنگ نہیں دی گئی۔

واضح رہے کہ دو روز قبل پریس کانفرنس میں صدر جوبائیڈن نے صدارتی الیکشن کی دوڑ سے دستبردار ہونے سے انکار کرتے ہوئے کہا تھا کہ صدارتی الیکشن لڑنے کا سب سے زیادہ اہل ہوں، ٹرمپ کو پہلے بھی ہرایا تھا اب بھی ہراؤں گا، ٹرمپ کا جیتنا دنیا کیلئے تباہی ہو گا۔

جوبائیڈن کا کہنا تھا کہ یورپ ٹرمپ کے بیانات سے پریشان ہے، خارجہ پالیسی کبھی ٹرمپ کا مضبوط نقطہ نہیں رہا، ٹرمپ آمرانہ لوگوں سے وابستگی رکھتے ہیں، صدارتی الیکشن کی دوڑ میں اپنی میراث کیلئے نہیں ہوں، یوکرین کی کامیابی یقینی بنانے کیلئے میرا جیتنا ضروری ہے۔