ڈونلڈ ٹرمپ پر فائرنگ کے بعد بیٹی ایوانکا نے بڑابیان دیدیا

ویب ڈیسک: امریکا کے سابق صدر ڈونلڈ ٹرمپ کو قاتلانہ حملے میں زخمی کر دیا گیا ہے، اس سے پہلے بھی امریکا کے کئی صدور اور سابق صدور کو حملوں کا نشانہ بنایا جا چکا ہے، یہی نہیں اراکین کانگریس اور گورنرز بھی حملوں کا نشانہ بنے ہیں۔

امریکی میڈیا کے مطابق صدر اینڈریو جیکسن پر شوٹر نے اس وقت 2 گولیاں چلائی تھیں، جب وہ آخری رسومات میں شریک تھے، تاہم بندوق نہ چل پائی تھی۔

صدر تھیوڈور روزویلٹ 1912ء میں دوبارہ صدارت کے لیے انتخابی مہم میں تھے جب ملواکی شہر میں ان پر گولی چلائی گئی تھی۔

صدر فرینکلن روزویلٹ پر 1933ء میں قاتل نے میامی میں گولی چلا دی تھی، وہ بال بال بچ گئے تھے جبکہ شکاگو کے میئر انٹون سرمیک مارے گئے تھے۔صدر ہیری ٹرومین کو 1950ء میں وائٹ ہاؤس کے سامنے گولی ماری گئی تھی۔

سابق امریکی صدر جان ایف کینیڈی کو 22 نومبر 1963ء کو انتخابی مہم کے لیے گاڑیوں کے قافلے میں جاتے ہوئے فائرنگ کر کے قتل کر دیا گیا تھا۔

الباما کے گورنر جارج والیس صدراتی انتخاب کی مہم پر تھے جب 1972ء میں انہیں واشنگٹن ڈی سی میں گولی ماری گئی تھی، جس سے وہ مفلوج ہو گئے تھے جبکہ صدر جیرالڈ فورڈ پر 1975ء میں 2 قاتلانہ حملے کیے گئے تھے۔

صدر رونلڈ ریگن کو 1981ء میں واشنگٹن ڈی سی میں تقریر کے بعد ہوٹل کے باہر گولی ماری گئی تھی، واقعے میں ان کے پریس سیکریٹری شدید زخمی ہوئے تھے۔

سابق صدر براک اوباما پر 2011ء میں قاتلانہ حملہ کیا گیا تھا جب اڈاہو سے تعلق رکھنے والے شخص نے وائٹ ہاؤس پر فائرنگ کی تھی، یہی نہیں ابراہام لنکن، جیمز گارفیلڈ، ولیم مک کینلی اور جان ایف کینیڈی قاتلانہ حملے میں مارے گئے تھے۔

واضح رہے کہ امریکا کے ری پبلکن صدارتی امیدوار ڈونلڈ ٹرمپ انتخابی ریلی کے دوران فائرنگ سے زخمی ہوئے ہیں۔

ڈونلڈ ٹرمپ پنسلوینیا کے علاقے بٹلر میں منعقدہ ریلی کے شرکا سے خطاب کے لیے اسٹیج پر موجود تھے جب ان پر فائرنگ ہوئی، گولی بظاہر ٹرمپ کے کان کو چھوتی ہوئی نکل گئی۔

انتخابی ریلی کے دوران فائرنگ کرنے والا حملہ آور مارا گیا جبکہ ایک دوسرا شخص بھی ہلاک ہوا ہے۔

ویب ڈیسک: صدرمملک آصف علی زرداری اور  وزیراعظم شہباز شریف نے سابق امریکی صدر ڈونلڈ ٹرمپ پر انتخابی ریلی کے دوران حملے کی شدید مذمت کی ہے۔

تفصیلات کے مطابق شہباز شریف نے سابق امریکی صدر اور زخمی ہونے والے دیگر افراد کی جلد صحت یابی کیلئے بھی دعا کی۔

وزیراعظم کا کہنا تھا کہ سیاسی عمل میں ہر قسم کا تشدد قابل مذمت ہے، اس مشکل وقت میں ہماری ہمدردیاں اور نیک خواہشات ڈونلڈ ٹرمپ کے خاندان کے ساتھ ہیں۔

علاوہ ازیں صدر مملکت آصف علی زرداری نے بھی سابق امریکی صدر ڈونلڈ ٹرمپ پر حملے کی شدید مذمت کی ہے۔

آصف علی زرداری کا کہنا تھا کہ سابق امریکی صدر پر حملے کا سن کر گہرا صدمہ پہنچا، سیاست میں تشدد کی کوئی جگہ نہیں، انہوں نے ڈونلڈ ٹرمپ کی جلد صحتیابی کیلئے نیک خواہشات اور اِنسانی جان کے ضیاع پر اظہارِ افسوس بھی کیا۔

واضح رہے کہ سابق صدر ڈونلڈ ٹرمپ امریکی ریاست پنسلوانیا کے علاقے بٹلر میں منعقد ریلی کے شرکا سے خطاب کیلئے سٹیج پر موجود تھے کہ ان پر قاتلانہ حملہ ہوگیا تاہم وہ اس حملے میں محفوظ رہے جبکہ حملہ آور مارا گیا، واقعہ میں ایک شخص بھی ہلاک ہوا۔

ویب ڈیسک: سابق امریکی صدر ڈونلڈ ٹرمپ پر قاتلانہ حملے کی جارج بش، براک اوباما، برطانوی وزیر اعظم سمیت متعدد رہنماؤں نے شدید مذمت کی ہے۔

تفصیلات کے مطابق سابق امریکی صدور جارج بش اور براک اوباما نے ڈونلڈ ٹرمپ پر حملے کی شدید مذمت کی، جارج بش نے کہا ہے کہ ٹرمپ پر حملہ بزدلانہ فعل ہے جبکہ براک اوباما نے کہا کہ ہماری جمہوریت میں سیاسی تشدد کی قطعاً کوئی جگہ نہیں ہے۔

نو منتخب برطانوی وزیر اعظم کیئر سٹارمر نے کہا ہے ہم ہر قسم کے سیاسی تشدد کی سخت ترین الفاظ میں مذمت کرتے ہیں، اس وقت نیک خواہشات صدر ٹرمپ اور ان کے خاندان کیلئے ہیں۔

امریکی کانگرس کی سابق سپیکر نینسی پلوسی نے کہا کہ شکر ہے ڈونلڈ ٹرمپ حملے میں محفوظ رہے، ڈیموکریٹک سینیٹر چک شمر نے ٹرمپ پر حملے کو خطرناک واقعہ قرار دیا، پنسلوانیا کے گورنر نے ڈونلڈ ٹرمپ کی ریلی میں فائرنگ کے واقعے کو قابل مذمت قرار دیتے ہوئے کہا ہے کہ کسی سیاسی پارٹی یا لیڈر پر تشدد ناقابل قبول ہے۔

پینٹاگون کے سربراہ لائیڈ آسٹن نے ایک بیان میں کہا کہ مجھے خوشی ہوئی کہ سابق صدر ٹرمپ محفوظ ہیں، میں ٹرمپ اور ان کے خاندان اور خوفناک واقعے سے متاثر ہونے والے تمام افراد کیلئے دعاگو ہوں۔

لائیڈ آسٹن نے کہا کہ پورا پینٹاگون ٹرمپ پر حملے کی مذمت کرتا ہے، ایسے واقعات کی ہماری جمہوریت میں قطعی طور پر کوئی جگہ نہیں، امریکا میں اپنے اختلافات کو حل کرنے کا طریقہ یہ نہیں ہے اور ایسا کبھی نہیں ہونا چاہیے۔

ڈیموکریٹک کی مسلمان خاتون رکن گانگریس الہان عمر نے ڈونلڈ ٹرمپ پر فائرنگ کو افسوسناک قرار دیتے ہوئے کہا کہ ٹرمپ کی ریلی میں پیش آنے والے واقعے کا سن کر دکھ ہوا، ہمیں تشدد کی کارروائیوں کی مذمت کرنی چاہیے اور متاثرین کیلئے دعا کرنی چاہیے۔

ویب ڈیسک: فیڈرل بیورو آف انویسٹی گیشن نے کہا ہے کہ سابق امریکی صدر ڈونلڈ ٹرمپ پر حملہ قاتلانہ تھا،حملہ آور کی شناخت ہو گئی ہے۔

 تفصیلات کے مطابق امریکا کے وفاقی تحقیقاتی ادارے ایف بی آئی کا کہنا ہے کہ ڈونلڈ ٹرمپ پر فائرنگ کرنے والا مقامی شخص تھا جس کی عمر 20 سال تھی اور نام تھامس میتھیو کروکس تھا۔

امریکی میڈیا کے مطابق ٹرمپ حملے کے وقت مشتبہ حملہ آور سے تقریباً 120 سے 150 میٹر دور تھے، حملہ آور ریلی کے مقام سے بالکل باہر عمارت کی چھت پر تھا۔

امریکی اخبار کے مطابق ٹرمپ کی ریلی میں فائرنگ کرنے والا مشتبہ شخص رجسٹرڈ ریپبلکن تھا۔

امریکی سیکرٹ سروس نے بتایا ہے کہ حملہ آور نے ریلی کے باہر سے ایک بلند مقام سے متعدد گولیاں چلائیں۔

امریکا کے سابق صدر ڈونلڈ ٹرمپ پر قاتلانہ حملے کے فوراً بعد اہلکاروں نے حملہ آور کو گولی مار دی تھی۔

یہ بھی پڑھیں: سابق امریکی صدرڈونلڈ ٹرمپ پرحملہ

ڈونلڈ ٹرمپ کو اہلکاروں نے ڈرامائی انداز سے ایک ہی لمحے میں حصار میں لے لیا تھا، جبکہ خاتون اہلکار بھی ڈونلڈ ٹرمپ کے سامنے ڈھال بن گئیں اور سابق صدر کے پورے جسم کو محفوظ بنا لیا۔

اس موقع پر اہلکاروں کو یہ کہتے سنا جا سکتا ہے کہ شوٹر مر چکا ہے، اب ڈونلڈ ٹرمپ کو اسٹیج سے گاڑی کی طرف لے جایا جا سکتا ہے جس پر سابق صدر کی سیکیورٹی پر مامور اہلکاروں نے انہیں کھڑا کیا اور انہیں پورے حصار میں لے کر گاڑی کی طرف روانہ ہو گئے۔

غیر ملکی میڈیا کے مطابق فائرنگ کے واقعے کے بعد سابق امریکی صدر ٹرمپ نیو جرسی پہنچ گئے ہیں۔

واضح رہے کہ امریکا کے ری پبلکن صدارتی امیدوار ڈونلڈ ٹرمپ انتخابی ریلی کے دوران فائرنگ سے زخمی ہوئے تھے۔

 ڈونلڈ ٹرمپ پنسلوینیا کے علاقے بٹلر میں منعقدہ ریلی کے شرکا سے خطاب کے لیے اسٹیج پر موجود تھے جب ان پر فائرنگ ہوئی، گولی بظاہر ٹرمپ کے کان کو چھوتی ہوئی نکل گئی۔

انتخابی ریلی کے دوران فائرنگ کرنے والا حملہ آور مارا گیا جبکہ ایک دوسرا شخص بھی ہلاک ہوا ہے۔