ویب ڈیسک: امریکی صدر ڈونلڈ ٹرمپ نے معروف ریپر نکی مناج کو وائٹ ہاؤس کی ترجمان مقرر کرنے کی تجویز پر دلچسپ ردِعمل دیتے ہوئے کہا ہے کہ یہ اچھا خیال ہے، وہ اس پر غور کریں گے۔
نکی مناج کے وائٹ ہاؤس کی ترجمان بننے کی قیاس آرائیاں اس وقت شروع ہوئیں جب وہ 25 اکتوبر کو مشی گن میں ایک انتخابی جلسے کے دوران صدر ٹرمپ کے ساتھ نظر آئیں۔ اس موقع پر وائٹ ہاؤس کے ڈائریکٹر برائے مواصلات اسٹیون چیونگ نے ایکس پر ویڈیو شیئر کرتے ہوئے لکھا کہ شاید ہمیں وائٹ ہاؤس کی نئی ترجمان مل گئی ہیں، اور وہ نکی مناج ہیں۔ نکی مناج نے بھی امریکی پرچم اور مسکراتے چہرے کے ایموجیز کے ساتھ اس پوسٹ پر ردِعمل دیا۔
Ladies and gentlemen, I think we may have found the new White House Press Secretary! @NICKIMINAJ https://t.co/petoprxVoX
— Steven Cheung (@StevenCheung47) October 25, 2026
بعدازاں پوڈکاسٹ میزبان بینی جانسن نے صدر ٹرمپ سے سوال کیا کہ کیا نکی مناج وائٹ ہاؤس کی اگلی ترجمان بن سکتی ہیں؟ جس پر ٹرمپ نے کہا کہ یہ ایک اچھا خیال ہے، مجھے اس بارے میں سوچنا پڑے گا۔
????Trump Confirms that he is seriously considering @NICKIMINAJ for the next White House press secretary. Then he does something I was not expecting… https://t.co/IqURUGJcOd
— Benny Johnson (@bennyjohnson) October 31, 2026
ٹرمپ کے بیان کے بعد سوشل میڈیا پر صارفین کی جانب سے ملے جلے ردِعمل کا اظہار کیا گیا۔ بعض صارفین نے نکی مناج کو اس عہدے کے لیے غیر موزوں قرار دیا۔
تاہم وائٹ ہاؤس کی جانب سے نکی مناج کی بطور ترجمان تقرری کا کوئی باضابطہ اعلان نہیں کیا گیا اور فی الحال یہ معاملہ قیاس آرائیوں تک محدود ہے۔