وزیراعظم نے پاکستان میں یکساں نصابِ تعلیم کا اجراء کر دیا

اسلام آباد (ویب ڈیسک) وزیرِ اعظم عمران خان پاکستان بھر میں تعلیم کے شعبہ میں طبقاتی تقسیم کو ختم کرنے کے لیے یکساں نصابِ تعلیم کا اجراء کر دیا۔ اس حوالے سے منعقدہ تقریب میں وزیرِ اعظم مہمانِ خصوصی کے طور پر شریک ہوئے اور اس موقع پر تقریب سے خطاب بھی کیا۔ انھوں نے واضح کیا کہ حکومت کے ہر شہری کو ترقی کے یکساں مواقع فراہم کرنے کے ویژن کے عین مطابق یکساں نصابِ تعلیم طبقاتی فرق کو ختم کرنے میں ایک اہم سنگِ میل ثابت ہو گا۔ یکساں قومی نصاب ایک سوچ اور ایک قوم کی تشکیل کا موجب بنے گا۔

Launch of Single National Curriculum by PM Imran Khan pic.twitter.com/eSgvkTsbFH

— Shafqat Mahmood (@Shafqat_Mahmood) August 16, 2021

انھوں نے کہا کہ یکساں قومی نصاب کا فیصلہ مشکل تھا لیکن اب واپسی کا کوئی راستہ نہیں۔ معاشرے میں انسانیت اور اخلاقیات کے فروغ کے لیے سیرت النبیؐ کی تعلیم لازم ہے۔ اپنی ثقافت کی ترویج کے ذریعے ذہنی غلامی کی زنجیریں توڑیں گے۔

یکساں قومی نصاب تمام متعلقہ وفاقی و صوبائی فریقین کو شامل کرنے کے بعد وضع کیا گیا ہے۔ وفاقی وزیر تعلیم شفقت محمود کے مطابق یہ لائحہ عمل بکھرے ہوئےطلباء کو جوڑے گاجس سے ہم انشاءاللہ ایک عظیم قوم کے طور پرابھریں گے۔ @Shafqat_Mahmood #ایک_قوم_ایک_نصاب #OneNationOneCurriculum pic.twitter.com/EwJ3ryCpZL

— PTI (@PTIofficial) August 16, 2021