اسلام آباد میں اوآئی سی کانفرنس کیلئے ٹریفک پلان جاری

اسلام آباد میں اوآئی سی کانفرنس کیلئے ٹریفک پلان جاری
اسلام آباد: ٹریفک پولیس نے وفاقی دارالحکومت میں اسلامی تعاون تنظیم (او آئی سی) کانفرنس کے لیے ٹریفک پلان جاری کردیا۔ تفصیلات کے مطابق ترجمان ٹریفک پولیس کا کہنا ہے کہ 21 سے ا24 مارچ ریڈزون عام ٹریفک کیلئے مکمل بندہوگا۔ سریناچوک، اسٹیٹ بینک چوک، ایکسپریس چوک، اور ایوب چوک عام ٹریفک کے لیے بند ہوں گے، صرف مارگلہ روڈہی ریڈزون میں داخلے اورباہر نکلنے کے لیے استعمال کیا جاسکتا ہے۔ ترجمان ٹریفک پولیس کے مطابق شہریوں سے گزارش ہے کہ آمدورفت کے لیے متبادل راستے استعمال کریں، شہری کسی بھی دشواری سے بچنے کے لیے غیر ضروری سفر سے اجتناب کریں۔ ترجمان کا کہنا ہے کہ آئی ٹی پی ریڈیو شہریوں کو ٹریفک صورتحال سےلمحہ بہ لمحہ باخبر رکھے گا۔
ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔