اس کے جواب میں شاہد آفریدی نے کہا کہ میں نے اس کو پہلے بھی منع کیا تھا کہ آپ فاسٹ بولر ہو، ڈائیو مت لینا، انجری ہوسکتی ہے لیکن مجھے بعد میں اندازہ ہوا کہ وہ بھی آفریدی ہی ہے۔ خیال رہے کہ ایشیا کپ سے قبل قومی کرکٹ ٹیم کے اہم فاسٹ بولر شاہین شاہ آفریدی انجرڈ ہو کر ٹورنامنٹ سے باہر ہوگئے ہیں۔ میڈیکل ایڈوائزری کمیٹی، انڈیپینڈنٹ اسپیشلسٹس نے رپورٹس کی روشنی میں شاہین شاہ آفریدی کو چار سے چھ ہفتے آرام دینے کی تجویز دی ہے جس کے باعث وہ رواں ماہ ہونے والے ایشیا کپ اور انگلینڈ کیخلاف ہوم سیریز سے باہر ہوگئے ہیں۔Mene us ko pehle b mana Kia tha k dive mat maray, injury hosakti hai, ap fast bowler ho. Lekin bad me mene realise Kia k wo b Afridi hi hai ????
— Shahid Afridi (@SAfridiOfficial) August 21, 2022
شاہد آفریدی کا کہنا ہے کہ انہوں نے شاہین آفریدی کو انجری سے بچنے کیلئے ڈائیو نہ مارنے کا مشورہ دیا تھا۔ سابق کپتان اور آل راؤنڈر شاہد آفریدی نے فاسٹ بولر شاہین شاہ آفریدی کے ایشیا کپ 2022 میں انجری کے باعث باہر ہوجانے کے حوالے سے بات کی ہے۔ گزشتہ روز شاہد آفریدی نے ٹوئٹر پر سوال و جواب کا سیشن رکھا ، اس دوران ایک صارف نے سوال کیا کہ لالہ شاہین تو انجرڈ ہیں، آپ ہی ریٹائرمنٹ واپس لے لیں۔