لاہور: تھانہ ٹاؤن شپ سے 5 سرکاری بریٹا پستول چوری ،13 اہلکاروں کیخلاف مقدمہ درج

لاہور کے تھانہ ٹاون شپ سے 5 سرکاری بریٹا پستول چوری ہو گئے ہیں ، 13 اہلکاروں کے خلاف مقدمہ درج کرلیا گیا ہے۔ تفصیلات کے مطابق مقدمہ نمبر 2332/23 بجرم 409 ت پ ڈی آئی جی آپریشنز علی ناصر رضوی کے حکم پر درج ہوا۔ مقدمہ سب انسپکٹر طالب حسین کی مدعیت میں درج کیا گیا ہے۔ جن ماتحت افسران اور اہلکاروں کے خلاف مقدمہ درج ہوا ان میں اے ایس آئی طارق عزیز ، ہیڈ کانسٹیبل ثنااللہ ، ہیڈ کانسٹیبل شہزاد،اقبال ،ہیڈکانسٹیبل سلیمان ، ہیڈکانسٹبل شبیر ، ہیڈکانسٹبل ارشد ،ہیڈکانسٹبل عارف ، کانسٹیبل ساجد ، کانسٹیبل احسن ، کانسٹیبل عمر ،کانسٹیبل حارث کانسٹیبل انور اور کانسٹیبل محمد سعید شامل ہیں ۔