ویب ڈیسک: کیا آپ ایسا کھیل کھیلنا چاہیں گے جس میں آپ کو ایک تابوت نما چھوٹے سے باکس میں بند کردیا جائے اور آپ کے پاس خود کو بچانے کیلئے صرف 30 منٹ کا وقت ہو؟
اگر آپ ایسی گیم کا تجربہ لینا چاہتے ہیں تو ہسپانوی کمپنی کا تیار کردہ ہاررباکس آپ کا منتظر ہے۔ جس میں لائیو ایکشن پزل گیم میں شرکاء تابوت سے فرار کی کوشش کرتے ہیں۔ یہ کھیل دو کھلاڑیوں کے لیے ڈیزائن کیا گیا ہے۔ اگر ان میں سے کوئی کسی بھی وقت ہار مان لے تو کھیل دونوں کے لیے ختم ہو جاتا ہے۔
اس کھیل کو متعارف کروانے والی کمپنی نے اسے دماغ کیلئے ایک جم قرار دیا ہے۔ جس میں شرکاء کی سی سی ٹی وی کیمروں کی مدد سے مسلسل نگرانی کی جاتی ہے۔
کمپنی کی جانب سے گیم کا مظاہرہ کرنے کے لیے منتخب کی گئی 22 سالہ اداکارہ مریم کاسٹیلا نے تسلیم کیا کہ تابوت کا ڈھکن بند ہونے کے بعد انہیں "تھوڑا سا خوف" محسوس ہوا۔
انہوں نے کہا، "یہ اس احساس کی طرح ہے کہ میں ایک تابوت میں بالکل اکیلی ہوں اور مجھے یہ معلوم کرنا ہے کہ کسی طرح باہر کیسے نکلنا ہے اور ٹھیک ہے، یہ تھوڑا سا اضطراب پیدا کر سکتا ہے۔"
مظاہرے میں ان کے ساتھی، 39 سالہ ڈانسر کارلوس گرینیڈو نے کہا کہ وہ اس سے پہلے اس طرح کی 15 گیمز میں شرکت کرچکے ہیں لیکن یہ تجربہ سب سے منفرد تھا۔