اسلام آباد (پبلک نیوز) نادرا نے آن لائن شناختی کارڈ بنوانے کے لیے موبائل ایپ تیار کرلی ہے۔ دنیا میں پہلی بار پاکستان میں جدید ترین ٹیکنالوجی کی بدولت شناختی کارڈ بنوانے کے لیے موبائل پر ہی فنگر پرنٹس بھی لیے جاسکیں گے۔ تفصیلات کے مطابق موبائل ایپ پروگرام میں موبائل پر لائیو بائیومیٹرک (انگلیوں کے نشان) کے حصول کے ساتھ ساتھ تصدیق بھی ہو سکے گی۔ چیئرمین نادرا کا کہنا ہے کہ موبائل کے ذریعہ انگلیوں کے نشان کے حصول کی سہولت ایک نئے دور کا آغاز ہے۔ یہ اقدام معیشت کے کئی شعبوں میں انقلاب برپاکرسکتی ہے۔ انھوں نے کہا کہ ڈیجیٹل شعبہ میں اس ٹیکنالوجی کے استعمال سے ہونہار پاکستانی نوجوان نہ صرف بے شمار نئی مصنوعات، خدمات اور سہولیات متعارف کرا سکیں گے۔ ایمیزون اور پے پال جیسے بڑے آن لائن عالمی اداروں کا اعتماد بھی بڑھے گا۔ ان کا مزید کہنا تھا کہ ایمازون جیسے ادارے بھی بھی پاکستان میں اپنا کاروبار بڑھانے اور پاکستانی صارفین کو اپنی خدمات اور سہولیات فراہم کرنے کی طرف مائل ہوں گے۔ موبائل ایپ نادرا https://id.nadra.gov.pk پورٹل سے منسلک کی جائے گی۔ PAK IDENTITY ایپ پلے سٹور اور ایپل سٹور سے ڈاؤن لوڈ کی جاسکتی ہے۔