لندن (ویب ڈیسک) کورونا وائرس نے پوری دنیا میں تباہی مچا رکھی ہے۔ عالمی وبا موت کا دوسرا نام ہے۔ کووڈ 19 کی وجہ سے ہونے والی ہلاکتوں نے ہر انسان کے دل میں ڈر بٹھا دیا ہے مگر اب اعدادوشمار نے کچھ اچھی خبر بھی سنائی ہے۔
برطانیہ میں پچھلے 14 ماہ میں گزشتہ 24 گھنٹوں کے دوران پہلی بار کورونا سے کوئی موت نہیں ہوئی۔ برطانوی حکومت کی جانب سے تصدیق کی گئی ہے کہ گزشتہ برس مارچ سے لے کر اب تک ایسا پہلی بار ہوا ہے۔ ملک میں کورونا وائرس کے مثبت کیسز 44 لاکھ 90 سے زائد ہیں جبکہ ایک لاکھ 27 ہزار 782 اموات بھی ہو چکی ہیں۔
برطانوی محکمہ صحت کے مطابق نئے کیسز کی تعداد تین ہزار سے زائد رہی مگر کوئی بھی موت نہیں ہوئی۔ کورونا وائرس کی وجہ سے برطانیہ میں 31 مئی کو اب تک کی آخری موت ہوئی ہے۔ برطانوی میڈیا نے دعویٰ کیا ہے کہ وہاں پر کورونا کیس بھارتی قسم کے سامنے آنے سے بڑھے۔
But despite this undoubtedly good news we know we haven’t beaten this virus yet, and with cases continuing to rise please remember hands, face, space and let in fresh air when indoors, and of course, make sure when you can you get both jabs.2/2
— Matt Hancock (@MattHancock) June 1, 2021
وزارت صحت نے بیان جاری کیا ہے جس میں کہا گیا ہے کہ کورونا کی وجہ سے نئی موت نہ ہونا پورے ملک کے لیے خوشخبری ہے۔ نئی موت کا نہ ہونا ویکسین کی کامیابی ہے۔ ویکسین لگوائیں کیونکہ یہ سب کو محفوظ رکھ رہی ہے۔ تاہم متنبہ کیا گیا ہے کہ وائرس کو مکمل طور پہ شکست نہیں ہوئی۔ اس لیے احتیاط لازمی برتیں۔