ایل او سی : دھرمسال پوسٹ1اور 2 بلمقابل بٹل سیکٹر میں بھارتی فوج نے گھٹنے  ٹیک دیے

شہید 7 سالہ بچے ارتضیٰ عباس کی نماز جنازہ ادا، وزیر اعظم، آرمی چیف کی شرکت

(ویب ڈیسک )  آئی ایس پی آر کے مطابق ارتضیٰ عباس طوری آزاد کشمیر  میں بھارت کی جارحیت کے نتیجے میں شہید ہوئے۔

پاک فوج کے شعبہ تعلقات عامہ (آئی ایس پی آر) کے مطابق  بھارتی جارحیت کا شکار  7سالہ  بچے ارتضیٰ عباس کی نمازِ جنازہ ا ادا کردی گئی ،7 سالہ شہید ارتضی عباس لیفٹیننٹ کرنل ظہیر عباس طوری کے صاحبزادے ہیں۔

ترجمان پاک فوج کا کہنا ہے ارتضیٰ عباس طوری آزاد کشمیر کے علاقے داوارندی میں بھارت کی جارحیت کے نتیجے میں شہید ہوئے۔

آئی ایس پی آر کے مطابق  نماز جنازہ میں صدر آصف علی زرداری، وزیراعظم شہباز شریف، نائب وزیراعظم اسحاق ڈار نے شرکت کی۔ وفاقی وزرا خواجہ محمد آصف، عطاء اللہ تارڑ، آرمی چیف جنرل سید عاصم منیر اور نیول چیف ایڈمرل نوید اشرف بھی شریک ہوئے۔  اعلی سینئر حاضر سروس و ریٹائرڈ فوجی افسر، جوان، سول افسر اور شہید کے اہلخانہ و عزیز بھی شامل ہوئے۔

آئی ایس پی آر کے مطابق نمازِ جنازہ کے بعد وزیرِاعظم شہباز شریف  نے بھارت کی بلااشتعال جارحیت کی شدید مذمت  کی۔

وزیر اعظم شہباز شریف نے کہا کہ   معصوم شہریوں، خصوصاً بچوں، خواتین اور بزرگوں کو جان بوجھ کر نشانہ بنانا بزدلی کا بدترین مظاہرہ ہے، ایسے غیر ذمہ دارانہ اقدامات بھارتی حکومت کی جارحانہ اور تکبرانہ سوچ کی عکاسی کرتے ہیں،جارحانہ اقدامات خطے اور دنیا کے امن کے لیے سنگین خطرہ ہیں۔

آئی ایس پی آر کے مطابق صدر وزیر اعظم نے بھرپور عزم کا اظہار کیا کہ پاکستان کی دلیر افواج ہر محاذ پر بھارتی جارحیت کا مضبوط اور دوٹوک جواب دے رہی ہیں،  بین الاقوامی قوانین اور انسانی اقدار کی کھلی خلاف ورزیوں کا فیصلہ کن جواب دیا جائے گا، اللہ تعالیٰ ظالمانہ بھارتی جارحیت کے  شہداء کو جنت الفردوس میں اعلیٰ مقام عطا  اور اہل خانہ کو ناقابلِ تلافی صدمہ برداشت کرنے کا حوصلہ دے۔

فورسز کو تحمل کا نہ کہا گیا ہوتا تو دشمن کے5 نہیں 15 طیارے گرتے ، نائب وزیر اعظم 

(ویب ڈیسک ) نائب وزیر اعظم اسحاق ڈار  کا کہنا ہے کہ اگر فورسز کو تحمل کا نہ کہا گیا ہوتا تو دشمن کے پانچ نہیں 15 طیارے گرے ہوتے، نیلم جہلم پراجیکٹ کو انڈیا کس نشانہ بنانا سنگین خلاف ورزی اور دگنا مجرمانہ ایکٹ ہے۔

اسحا ق ڈار نے پارلیمنٹ میں گفتگو کرتے ہوئے کہا کہ جس انڈین فائٹر نے پے لوڈ گرایا، ہم نے اسے نشانہ بنایا جس سے 5 انڈین طیارے گرے، 3 فائٹر جہاز 2 ان مینڈ کاپٹرز گرائے گئے۔

انہوں  نے کہا کہ قوم مسلح افواج کو مستعد رہنے اور جواب دینے پر مبارکباد دیتی ہے، یو این سیکیورٹی کونسل کو خط لکھ کر صورتحال سے آگاہ کیا ہے۔

اسحاق ڈار نے کہا کہ رات واقعے کے بعد غیر ملکی سفیروں سے بات ہوئی، اسپین کے وزیر خارجہ سے بات ہوئی ہے، او آئی سی کو بھی صورتحال سے آگاہ کیا گیا۔

ان کا کہنا تھا کہ ہم نے پہل نہیں کی لیکن جارحیت کا بھرپور جواب دیا گیا، اگر فورسز کو تحمل کا نہ کہا گیا ہوتا تو دشمن کے پانچ نہیں 15 طیارے گرے ہوتے، نیلم جہلم پراجیکٹ کو انڈیا کس نشانہ بنانا سنگین خلاف ورزی اور دگنا مجرمانہ ایکٹ ہے۔

نائب وزیر اعظم نے کہا کہ انڈیا کے ملین آف ڈالرز کے فائٹرز طیارے مار گرائے ہیں، دشمن کو ترکی بہ ترکی جواب دیں گے پہلے ہی کہا تھا کہ اینٹ کا جواب پتھر سے دیا جائے گا۔